The Magic Of Love (TMOL Komedi) (Part 6)

(Photo Credit: hqwallbase)
(Photo Credit:  hqwallbase)
(Photo Credit: hqwallbase)

“She’s perfect!” bulong ni David.

“Hi, sir!” nahiyang bati ni Kulaspira.

“Ahemmm! Hoy, baka maka ihi ka naman ha? Masampal na talaga kita,” panunudyo ni Bakang.

“Luka-loka! Saan na ang pera ko? Kailangan yan ni Aling Lydia; pambili yata ng gamot sa kabayo nila,” sabi ni Kulaspira.

“Eto, 200 pesos yan!” sabay abot kay Kulaspira.

“Hala, sobra ‘yan.  50 pesos lang ‘yun lahat!” takang tanong ng dalaga.

“David?” tumingin sa gwapong lalaki.

“Khulasha, they pay for the Mhalungguyy 30 pesos! If that money is not enough I can give you!” wika ng lalaki.

“No, no, no, sir this too much, I have more money for malunggay!” bilisang balintuwad na sagot ng dalaga.

“Hatsingggg! Bakang, bago ako makunan dito, tara sa likod, paki kuha ‘yung daing sa may atip,” utos ni Lola Basyang na kanina pa nakatingin sa mga nagningning na mga mata ng dalawang nilalang.

“Aprub Lola Basyang! Ikaw pa? Takot yata akong makunan ka! May matres ka pa ba, lola Basyang?” birong tanong ni Bakang.

“Aba, gusto mo subukan ko ‘yang dala mo na putahe?” birong sagot ng matanda.

“Ai, tara na, lola baka biglang bumagyo sa pinagsasabi mo! Hahaha ang landi mong matanda ka!” tawang wika ni Bakang.

Naiwan sina David at Kulaspira.

“How are you?” tanong ni David.

“Good, sir, good!” hiyang sagot ng dalaga.

“I was so worried when you left today. I’m sorry for my action,” wika ng binata.

“Huwat, sir?” tanong ng dalaga dahil hindi maintindihan ang sinasabi ng lalaki.

“I said I’m sorry!” ulit na sabi ng lalaki.

“No problem, sir!” sagot ni Kulaspira.

“Please just call me David; just call me by my name, please?” pa cute na pakiusap ng binata.

” Hala oi, ok, sir David!” sagot ni Kulaspira.

“David only, please!” pakiusap ng lalaki.

“Ok, David!” naka-smile na sagot ng dalaga.

“You have a unique beauty, inside and out! Gosh, I really do love you!” diretsang pahayag ni David sa dalaga.

“HUWAT? Susmaryahusep!” pasigaw na sagot ng dalaga.

“I understand, I can wait, but be my friend?  Can we?” tanong ng lalaki.

 

Sa likod ng bahay ay nakasilip sina Bakang at Lola Basyang. Kinilig ang dalawa kina David at Kulaspira. Ngunit, nakadama ng  mainit na bagay sa kanyang ulo si Bakang, at nang hawakan niya ito ay: “Kung malasin nga naman!” sabay wasiwas sa dumi ng manok!

“Hahaha! Ayan, tsimosa mo kasing bata!” tawa ng matanda.

“Hehe.. saan ba ako nagmana?” tanong ni Bakang.

“Sa lolo mo!” sagot ng matanda.

“Asus, hindi ka lang sinagot ng lolo ko kasi!” birong sabi ni Bakang.

“Bago kita mahampas nitong walis, pumunta ka na sa balon!” utos ng matanda.

 

Samantala, sina David at Kulaspira:

“Friends?” wika ng lalaki sabay lahad sa kamay kay Kulaspira.

Nakipagkamayan naman ang dalaga, at tila isang boltahe ng kuryente ang dumaloy sa kaugat-ugatan niya. Mahigpit na hinawakan ni David ang kamay ng dalaga, at ang mukha ay namula sa sobrang hiya at kilig.

“Dabid, my hand, oi!” saway ng dalaga kay David.

“Oh, I’m sorry! I’m so happy, Khulasha!” pasasalamat ng lalaki.

“You want to eat coconut?” alok ng dalaga.

“Sure!” sagot ng lalaki.

Agad na pumunta si Kulaspira sa puno ng niyog at…

“Wait! You will climb?” tanong ng lalaki.

“Yes, when I was 8,  my Lola teach to katkat the coconut and we make tuba over there!” sabi ni Kulaspira, sabay turo sa itaas ng niyog.

“I know you’re joking?” tanong ng lalaki.

“No, she’s not! She’s like a monkey, David, hahahaha! Just watch her,” dakdak ni Basyang sa likuran.

Agad na hinubad ng dalaga ang tsinelas at nagsimula itong umakyat sa niyog.

Nanlaki ang mga mata ng lalaki sa bilis ng pag-akyat ng dalaga.

“Wow, you’re amazing! Like spiderman!” manghang sabi ng lalaki na hindi makapaniwala sa nakita.

“Move over thereeee!” sigaw ni Kulaspira sa taas ng niyog.

“What? Why?” ganting sigaw ng lalaki.

“Hoyy! Bakanggggg! Paalisin mo ‘yan at baka mabiyak ulo ng Porener na ‘yan!” sigaw na utos ni Kulaspira.

“She told you move!” sabay hila kay David.

Isa, dalawa, tatlo! One, two, three! Sunod-sunod ang bagsakan ng niyog at natawa si David sa kanyang nakita.

 

Masayang kumain silang lahat, takam na takam ang lalaki sa young coconut, dahil wala ito sa bansa nila. Habang kumakain ay panay hulihan ng nakaw na sulyap ang dalawa.

Hindi maiwasan ni Kulaspira ang mapa-smile kapag nahuhuli siya ng lalaki na pasulyap-sulyap. Masaya rin ang matanda para sa kanyang apo, dahil ngayon lang niya nakitang maligaya ang mga mata nito mula nang kupkupin niya.

“Oist, Dong Dabid! No cut the heart my Kulasa! Ok?” biglang english ni Lola Basyang.

Napatingin sina Bakang at Kulaspira sa matanda.

“Taray ni Lola Basyang hahahaha!” kantiyaw ni Bakang.

“Gusto mo nitong niyog, ibato ko sayo?” sigaw ng matanda.

Hinawakan ni David ang kamay ng matanda at: “I will call you, Grandma! If Khulasha will accept me, I will marry her!” seryosong wika ng lalaki.

“Bakang, anong orasyon ang pinagsasabi nitong Porener na guwapo na ito!” tanong ng matanda na nabigla sa paghawak ng lalaki sa kanyang kamay.

“Pakakasalan ka raw niya hahaha!” birong sagot ni Bakang.

Bago pa man nakatakbo ang dalaga ay tumama na ang isang niyog sa paa niya.

“Luka-loka ka talagang bata ka!” sabay tayo para hampasin si Bakang.

Naiwang nakaupo si David at Kulaspira, tahimik ang dalaga, walang imik, at tahimik lang din siyang pinagmasdan ni David.

Dama ng lalaki ang isang tunay na pag-ibig sa babaeng kaharap niya, ang babaeng nagpaiba sa takbo ng kanyang buhay.

“I will leave next week, but I promise you I will come back!” seryosong wika ng lalaki.

“Ok, happy fly!” sagot ng dalaga na mas lumungkot ang mukha.

“Wait for me! I hope when I come back, you will be my wife! I want you to be my wife, Khulusha!” kuyom-palad si David.

Hindi umimik ang dalaga, para sa kanya ay ayaw niyang bigyan ng pagkakataon na pasukin ni David ang birhen niyang puso. Ayaw niyang umibig at ayaw niyang masaktan.

Pinigilan niya ang kanyang damdamin hangga’t kaya niya. Tama na ang maging magkaibigan lang sila.

“Say something, give me hope!” pagsumamo ng lalaki.

“Dabid…” mahinang wika ng dalaga.

(Itutuloy)

About jovelyn

Im not a good writer but i love to 🙂 Masaya din, Malungkot din (Karanasan ng OFW) this is my first book under my name as a writer and Sindi Ng Lampara OFW stories book with Raquel D. Padilla and DFBI writers, columnist in Pilipino Star Ngayon Middle East [email protected] Super kulit at kalog..proud bisdak at tamad na masipag na yaya:)