The Magic Of Love (TMOL Komedi) (Part 3)

(Photo Credit: hqwallbase)
(Photo Credit:  hqwallbase)
(Photo Credit: hqwallbase)

Agad na nagtanong si David nang makarating siya sa baryo Putik-Putik.

“Excuse me, I’m looking for this lovely lady; she’s 5 feet tall,” tanong ni David sa umpukan ng mga kadalagahan.

Agad na tameme ang limang mga dalaga nang makita siya.

“Hey, my name is Bakang! Maybe it’s me you’re looking for,” halos malaglag ang pustiso sa pag-slang sa pagsasalita ng Ingles na pakilala ni Bakang.

“Sorry, I’m sure it’s not you. That lady is a nice dream and you are my nightmare!” pabirong sagot ni David.

“Nightmare pala ha! Sagutin mong mag-isa tanong mo! Tara, girls iwan natin ang hambog na ito!” galit na sabi ni Bakang.

Saktong aalis na sina Bakang ay: “Wait, please help me to find this lovely girl! Please!” pagmamakaawa ni David.

“Why?” taas kilay na tanong ni Bakang. “Because I’m in love with her!” diretsang sagot ni David.

Napataas ang kilay at noo ni Bakang sa sagot ni David. Nakita niya ang seryosong mukha nito na nagsasabi ng totoo.

 

Samantala… Sa kabilang kanto ay panay ang sigaw ni Kulaspira sa kalsada.

“Malungayyyy! Okra kayo diyan! Malungayyyy, Okra kayo dito! Okraaa Malungayyy doon!” tila naka-microphone na paalon-alon pa ang boses ni Kulaspira.

Parang boltahe ng kuryente na dumaloy sa hangin at diretso sa tainga ni David ang kanyang tinig.

“It’s her! It’s her! That’s her voice!” tarantang wika ni David.

Nanlaki ang mata ni Bakang sa nakitang reaksyon sa lalaki. At mas lalong nanlaki ang mata niya nang makita si Kulasa.

“Si KULASA?” sambit ni Bakang.

“Do you know her?” tanong ni David.

“She’s my bestfriend! Her name is Kulaspira, but I like to call her Kulasa!” paliwanag ni Bakang.

“Thank you, you’re my angel!” wika ni David.

“Angel ka diyan! Dami mong alam; lakas ng tama mo sa kaibigan ko ha!” mahinang bulong ni Bakang.

“Sorry, you’re saying … what?” tanong ni David.

“Nothing! Nothing!” sagot ni Bakang.

Maagap na sinalubong ni David ang dalaga at labis itong nabigla nang makita si David.

“Hey, Kulasha! Remember me? I’m David, by the way. I forgot to introduce myself yesterday,” wika ni David.

Natameme si Kulaspira; hindi niya alam kung nananaginip lang ba siya o realidad ang nangyayari… Na kaharap na niyang muli ang Porener na hindi nagpatulog sa kanya kagabi.

“Hey, something wrong? You’re ok?” tanong ni David.

“Ahhhh! Yes, sir! I’m good, sir!” tarantang sagot ng dalaga.

“I’m so happy to see you, Khulasha!” nakangiting wika ng lalaki.

Agad na kinamayan ni Bakang si David; inunahan na si Kulaspira.

Natawa si Bakang dahil alam niyang nahihirapan ito sa pagsasalita ng Ingles. Bata pa lang ay matalik nang magkaibigan sina Bakang at Kulaspira. May kaya sa buhay ang pamilya ni Bakang dahil isang negosyante ng uling ang mga magulang niya, kaya naman ang mukha ni Bakang ay ipinaglihi sa uling. Pero, ganun pa man, si Kulaspira ang kaibigan niya na alam ang lahat ng kagagahan na pinaggagagawa niya.

“Dai, Bakang! Nabuang man si Porener oi, gusto yatang atakihin ako ng hemorrage sa ilong ko, dai Bakang!” wika ng dalaga sa kaibigan.

“Hahaha! Igat ka, Kulasa! Bakit hindi mo sinabi na may super dupa hot na nabaliw diyan sa whatever,” birong sagot ni Bakang habang sinilip ang ilong ng kaibigan.

“Nah, ewan ko, dai Bakang, nabangga ng kariton ko kahapon ‘yan. Aba, malay ko bang tumama pala ang ulo niyan sa bato!” kilig na wika ng dalaga.

“Hey, lovely ladies! I’m still here!” birong puna ni David.

“Hoy, David, stop saying lovely, cause we’re not lovely, we’re ugly lady!” dakdak ni Bakang.

“But, iI’m telling you, you’re both lovely!” sabay kindat kay Kulaspira.

“Sir, excuse me ha, I need to go, you know, my malunggay and okra go die now!” paalam ni Kulasa.

“Dai Bakang, ano’ng ingles sa malunggay at okra?” tanong ng dalaga.

“Aba, Kulasa! Scientific name lang alam ko, ganito oh, birabirasus hilahilasus lunodnodsus gulaysus namnamsus ang sabawsus!” birong sagot ni Bakang.

“Puro ka naman kalokohan eh! Sige na, kailangan ko pang ilako ang mga gulay, bye, sir Dabid!” paalam ng dalaga.

“Wait! Where are you going?” tanong ni David.

“Hoy, she want to go to work by selling  that one oh!” sagot ni Bakang, sabay turo sa mga paninda ni Kulaspira.

“I will go with you, Khulaspirah!” sabi ni David.

Biglang nagtingnan ang magkaibigan at biglang lumaki ang ilong ni Kulaspira sa narinig sa lalaki.

“Huwat, sir? Huwat?” tanong ng dalaga.

“What?” tanong din ng lalaki.

“You want to go? Dai Kulusa, give the kariton to him, dai!” birong wika ni Bakang.

“No, no, no, sir!” tanggi ng dalaga.

“Please, I want to do this! I think it’s more exciting and fun if i will help you,” pamimilit ng lalaki.

“Bakang dai, Bakang dai, ikaw na magsabi sa kanya na hindi puwede, dai!” wika ni Kulaspira sabay hawak sa kamay ng dalaga.

“Hoy, David! Be our guest, just say MA..LONG..GAY!” turo ni Bakang sa lalaki.

“MHALHONGGUY? MALHUNGGUY?” pagsunod na bigkas naman ng lalaki.

“Sira ka talaga, Bakang! Pinagtripan mo naman ‘yang tao!” reklamo ni Kulaspira.

“Relax, dai Kulasa, tiyak wala pang isang minuto, ubos na iyang malunggay at okra mo! Sa guwapo ba naman ng tindero, eh, tiyak papakyawin ‘yan ni Maam Kotkot!” sabi ni Bakang.

“So, I’m ready!” sambit ni David.

“Wait! Not only Malunggay, also say OK..RA!” turo ni Bakang sa lalaki.

“OHK..RAH?” sunod na bigkas ng lalaki.

“Good! Now, you need to shout very loud the two words I told you, ok? But, you need to..ahh, hoy kulasa, ano nga english ng tulak sa kariton?” sabay harap sa kaibigan na kanina pa namumula.

“Ako pa’ng tanungin mo? Malay ko ba!” reklamo ng dalaga.

“Ok, listen, David! Put your hand over here and you do like this ok (inaksyon ang pagtulak sa kariton) Then, you shout MALUNGGAY! OKRA ONLY 5 PESOS!” natatawang turo ni Bakang.

Agad na inilagay ni David ang kamay sa kariton ni Bakang at dahan-dahan niya itong tinulak at: “MHALUNGGUY! MHALUNGGUY! OHKRAH! 5 PESOS! MHALUNGGUYYY!” sigaw ng lalaki sa slang na pagbigkas.

Halos mamatay sa katatawa si Bakang sa hitsura ni David.

“Gaga ka talaga, dai Bakang, kawawa naman ‘yang Porener, oi! Tinuruan mo ng ewan ko ba sa ‘yo!” maktol ng dalaga.

“MHALUNGGGUYYY!” sigaw ulit ni David habang marahang itinutulak ang kariton.

(Itutuloy)

About jovelyn

Im not a good writer but i love to 🙂 Masaya din, Malungkot din (Karanasan ng OFW) this is my first book under my name as a writer and Sindi Ng Lampara OFW stories book with Raquel D. Padilla and DFBI writers, columnist in Pilipino Star Ngayon Middle East [email protected] Super kulit at kalog..proud bisdak at tamad na masipag na yaya:)