She Hates Salitang Bisaya

(Image Credit: syossetdentalnews)
(Photo Credit: syossetdentalnews)
(Photo Credit: syossetdentalnews)

” Hoy, kumusta ka? Asan naman ka?”

” I’m fine! Dito me sa Manila.”

” Pag bisaya pod diha! Pila naman ka bulan o tuig diha?”

” 5 months pa lang! Nahirapan na kasi ako magsalita ng bisaya eh.”

” Ah! Kurata gud nimo? Nahirapan ka na sa tumang kalisod?”

Minsan parang sampal na insulto pag kausap mo ang kababata, kaibigan at kamag-anak sa personal o social media, na ikinahiya ang native na dialect na nakagisnan nila.

‘Yung todo effort ka na makipag-usap sa sariling dialect tulad ng bisaya, pero todo effort naman ang pagsagot sa wagas na maka-hemorrhage na english o mapa ala eh na tagalog. Rason nila na nahirapan na silang bigkasin ang bisaya dahil sa lugar na napuntahan nila.

Pag tinanong kung ilang taon na sa lugar na pinuntahan nila, at ang sagot ay; tatlo o limang buwan pa lang! Sabagay ‘di sila masisi kung nabangga ang ulo nila sa pinto at dahilan ng pagka amnesia nang panghabang-buhay kaya ‘di na alam ang salitang bisaya.

Walang masama kung magsalita tayo ng banyaga o sa sarili nating pambansang wika, pero ilagay natin sa tamang lugar lalo pa’t kilala mo ang kausap mo na iisang lugar lang kayong isinilang at tumanda.

Mas masarap pag masdan at pakinggan na kahit nalibot mo na ang buong mundo o kamaynilaan, ay marunong ka pa ring magpakumbaba at marunong magpahalaga sa dialect na nakagisnan mo. Masarap makipag-usap, makipag-kuwentuhan, at makipagkumustuhan gamit ang native dialect mo sa kakilalang pareho kayong bisaya, hindi mo na kailangang mag-isip kung ano ang tagalog o english sa salitang nais mong sabihin.

Hindi mo na kailangang palambutin ang matigas na tono ng iyong boses para ‘di mahalata ang pagkabisaya mo, sabi nga nila; Magpakatotoo ka ,Day, ug Undo!

Hindi mo na kailangan tagalogin si Aling Bagol tuwing uuwi ka sa baryo at bibili sa tindahan niya ng:

“May colgate na close up kayo?” o di kaya’y ” Pabili ng gitnang case ng beer at gitnang lapad ng gas!” Sus, maawa ka sa matanda na tinagalogan mo baka mag-isip pa ‘yan na nasaniban ka ng masamang espirito sa pag-uwi mo at wala ka sa ibang planeta, nasa baryo ka na! Lugar na halos lahat ay kilala ka, lugar na puro salitang bisaya ang binibigkas.

Huwag mo hayaang matabunan ka ng iyong kayabangan, huwag hayaang dumikit habang buhay ang nakalalason na pagbabalatkayo. Bihisan ka man ng mamahalin at pekeng saplot, nagniningning man ang iyong katawan sa ginto’t pilak pati diamante, ipa Belo o Calayan ang iyong mukha at katawan, ubusin mo man ang maxipeel at RDL pati Gluta sa pumuti ang panlabas mo na anyo, baguhin mo man ang katawang lupa mo, pero hindi mo kailanman malilinlang ang mga tao na nakakakilala sa tunay na ikaw at lugar na pinagmulan.

Dahan-dahan sa pagbitiw ng “I HATE BISAYA!” baka sobra pa sa bato ang insultong matanggap mo para matauhan ka sa isang kayabangan! You hate bisaya? Kami o Ako, PROUD NA BISDAK AKO FOR LIFE!

 #BloggerJovelyn      #BayaningTunay   #DFBloggerIntl    #DefinitelyFilipino  #DFBI 

About jovelyn

Im not a good writer but i love to 🙂 Masaya din, Malungkot din (Karanasan ng OFW) this is my first book under my name as a writer and Sindi Ng Lampara OFW stories book with Raquel D. Padilla and DFBI writers, columnist in Pilipino Star Ngayon Middle East [email protected] Super kulit at kalog..proud bisdak at tamad na masipag na yaya:)