Salamat sa Pinoy at Asian Shops…..

Image courtesy of http://sosyalera.net
Image courtesy of http://sosyalera.net

Kung ikaw ay isang Pinoy na mahilig kumain ng tuyo, tinapa, bagoong at chicharong baboy o nakasanayang gumamit ng papaya soap, Amira, Salonpas at liniment,alam kong makaka-relate ka sa artikulong ito.

Sa ating mga malayo sa ating bansa, lalo sa mga unang taon,isa sa mga hanap natin ang mga bagay na nakasanayan na. At ang unang sulyap sa isang tindahan na nagbebenta ng mga bagay at produktong nakasanayan na natin ay nakakapagbigay sa atin ng feeling of satisfaction baga.

Maswerte ang maraming kababayan sa Amerika at open sila sa pagdadala ng mga food items na galing sa atin papunta sa kanila,ganoon din sa pagtatatag ng mga shops na exclusively mga Pinoy items lang ang binebenta. Though marami pa ring mga bansa gaya ng England (o at least according sa isang kaibigan ko na nandun) at ilan pang bansang may mga Pinoy na kung saan wala silang pwedeng maipasok na o mabilhan ng mga produkto natin dahil sa higpit ng customs at importation regulations.

Ilang taon mang mamirmihan sa ibang bansa ang isang Pilipino, lalo na yung mga hindi nakakalimot kahit kailan sa bansang pinagmulan nila, lagi nilang hahanapin ang mga lasa, amoy, texture at iba pang mga bagay na nakamulatan nila.At maraming bagay na mabibili mo sa mga Pinoy shops will remind them so much ng mga bagay na nakasanayan na nila, kahit mas mahal pa sya kung tutuusin sa peso.

‘Yun nga lang, kelangang medyo tiisin na ang mga dried at smoked fish mo ay naka-fridge, ang saluyot, malunggay at pati saging na saba e frozen,ang gata mo e canned,at ang pandesal mo e prepacked na at di galing sa pugon.Ganun talaga e.

At salamat din sa mga Chinese na may mga shops sa ibang bansa,ang anumang di natin makita sa Pinoy shops e napupunuan nila.Minsan nga yung ilang mga produktong galing sa atin e tila mas mura pa pag sa kanila binili. Sa kanila ka rin makakabili ng ilang fresh na mga gulay at isda na medyo kilala natin gaya ng sitaw,upo, kangkong, patola, tilapia atbp.

Personally,a piece of Pinoy haven ang mga shops na ito para sa akin.Sa isang kagaya ko na nahirati nang kumain ng sardinas, tuyo, tinapa, danggit at ilan pang simpleng pagkaing Pinoy at alam kung paano gamitin ang tawas, mansanilya at mga produkto ni Belo, malaki ang pasasalamat ko na sa kinaroroonan ko e may mga lugar na pwede kong puntahan para mabili sila.Sila ang isa sa aking “home away from home”.

Kaya salamat sa kanila for bringing a piece of home sa mga gaya naming malayo sa bansang sinilangan.

3 Comments

  1. Bihira lang ako makapunta sa asian store, pero pag makapunta ako halos lahat na gusto kong kainin binili ko at pakiramdam ko ang saya saya ko na sa wakas makakain ulit ako ng mga pagkaing paborito ko:) Nakarelate ako sa blog na ito 🙂

  2. ha ha ha,nakakarelate ako sa mga sinabi mo jalaine.nung unang salida ko dito sa queensland ang isa sa mga hinanap ko ng makakita ako ng pinoy shop e toyo,bagoong at sardinas pati yung sukang pinakurat.nun namang magtry akong mag-diningding (di ba ginagamitan yun ng bagoong isda?),masuka suka sa amoy ang asawa ko kaya di ako basta makaporma ng luto ng mga ganung klaseng luto pati tuyo,kaya pag gusto ko kumain ng tuyo sinisimplehan ko na lang pag wala sya.

  3. One of the big factor that I survive here dahil sa mga pagkain lalo na mag eemo pag winter time.Adik sa toyo dahil kailangan ng adobo at least pwed epa apat na araw arawin kainin at suka na galing sa atin galing sa paksiw.Sayang nga lang walang mga daing na dumating dito sa Belgium enjoy na sana ako at maswerte ako di pumapalag asawa ko pag nagprito ako ng daing pero suko na siya sa tuyong pusit sa sobrang baho.Ang Balut pwede pa dahil pwede pa makuha ang galing sa Netherlands at France.Pwede pa makagawa ng barbecue Pinoy style na pwede rin sa panlasa ng aking asawang banyaga.Kahit ang may ari ng Asian Shop feeling close kami,pwede pa ako magrequest at ang laking tuwa ko makikita ang bangus galing Saranggani.Sabi ng asawa ko ang unang reaction na makakita ang mga pancit na nakagawian ko,para daw akong bata sa candyland na ang saya ay di mapepeke

Leave a Reply

Your email address will not be published.