Reasons kung bakit WOW TANGA ka sa PAG-IBIG

y-u-so-tanga

May dalawang uri ng boltahe sa isang relasyon. Isang 110v at isang 220v.

Ano yung 220? Yun ang badass. Eh yung 110? Nasa 110 ka kung ikaw ang mas natatanga sa inyong dalawa. Ikaw yung mas weak. Ikaw yung mas laging umiiyak at madalas luminya ng “wow ayaw ko na talaga prames!”

Ikaw yung mas nagmamahal kesa sa minamahal. Ikaw yung masarap kalbohin ng mga friends mo.

Sa madaling sabi, ikaw yung tanga sa relasyon. Never naman kasing naging equal ang lahat. Pero wag kang malungkot. Isipin mo na lang na yung itlog nga ng mga lalaki hindi rin naman yan pantay.

At ganun naman daw talaga ang true meaning of love.

Ibibigay mo lahat pati yung SSS number mo.

Masaya na malungkot ang magmahal. Masakit. Mahirap. Nakakabaliw pa nga kung minsan. Hindi naman kasi yan na parang networking lang na pag naka invite ka ng dalawang mas tanga pa sa ‘yo, puwede ka nang umexit.

Minsan, hindi ganun kadali bitiwan ang mga bagay na alam mong ‘yun na lang din mismo ang hawak mo.

Naks! So bago kung saan pa mapunta ang usapan natin, gusto kong himayin natin yung mga posibleng reasons kung bakit natatanga tayo sa pag-ibig. At wala kayong paki kung pabebe man ang sulat ko ,kung gusto n’yo gayahin n’yo….

1.) Dahil sa social media – sa panahon ngayon, mga ermitanyo na lang ang walang alam sa facebook, youtube, twitter at kung anu ano pang platforms sa internet. Kung ano ang mainstream, ‘yun ang nagiging idelohiya ng mas nakakarami. Ganun tayo eh, parang mga tae sa Manila bay, sumasabay lang sa agos. Masyado tayong affected sa mga hugot lines, showbizz paandar at mga telenobela na nagsasabing may forever. Lahat sila inu-impluwensyahan kang maging hangal sa pag-ibig.

2.) Dahil may loophole ang educational system natin – sa school natin natututunan ang halos lahat ng bagay  katulad ng pagbabasa at mahahalagang values tulad ng hindi pagtae mo sa salawal. In fact, itong institusyon ding ito ang magdedecide ng kapalaran mo sa  buhay kung magiging punkista ka, jejemon, kampon ng mamon, matagumpay na embalsamador o magiging dealer ka ng shabu in the future (kung wala kang pang enroll). Hinahanda tayo ng paaralan para maging sibilisadong tao tayo pero hindi tinuro satin kung ano ang basics kung paano hindi maging tanga sa relasyon.

3.) Dahil mali ang circle of friends mo – kung babae ka at may sampu kang kaibigan, dapat anim dun panay lalaki. Dahil kung dumating ang time na wasak ka sa pag-ibig, for sure mag-iiyakan kayo ng apat na gurl friends mo at yung anim na lalake ang magsasabi sa ‘yo ng “ulol, tigilan mo ako, ‘wag ako, ‘wag kami!” Mga machong motivation ang kailangan mo at hindi mga pabebe qoutes. Tandaan na less drama sa buhay, less katangahan.

4.) Dahil mali ang pagpapalaki sa ‘yo – kung lumaki ka sa isang napakabuting pamilya, ituturo sa iyo ang pagiging soft-hearted at matiisin. Kaya mas malaking tsansa mong magpakatanga sa isang relasyon. Unlike kung binubugbog ka ng tatay mo at pinapaamin ka niya lagi na bakla ka, nagiging mas matatag at palaban ka. Minsan mas okey din kasi yung may kaunti kang demonyo sa katawan para hindi ka inaabuso ng iba.

5.) Dahil madali kang maniwala – sinabihan ka lang ng bf mo ng “sorry na, bae, ‘di na mauulit, uwi ka na..”pumula na agad ang utong mo. Beast mode ka na agad. ‘Wag ganun, minsan try mo ding magpa hard to get.

6.) Dahil hindi ka kumakain ng breakfast – ang hindi mo pagkain ng agahan ay magiging sanhi ng mabilis na degeneration ng mga cells mo sa utak. Kaya ang resulta, bumababa ang intelligence mo over emotional quotient. Imbes na mag-process ang utak mo ng mga rationale, mas pinipili niyang mag-isip ka ng mga ka-emote emote na bagay. So hindi ka lang natatanga, nagiging bobo ka pa.

7.) Dahil panget ka – deep inside, alam mo kung panget ka. Low yung self-esteem mo kaya mas pinipili mong balewalain na lang yung sakit na nararamdaman mo. Natatakot kang iwanan dahil alam mong madami-dami din ang populasyon ng mga panget sa mundo. Matinding kompetisyon itu!!

8.) Dahil nagtatanga-tangahan ka – sabi nga nila, mas nakakatawang tingnan yung mga taong nagpapanggap na may alam kesa sa mga taong nagpapanggap na walang alam. Pero hindi siguro yan applicable pagdating sa usapin ng pakikipag relasyon. Kung masyado mo nang inadjust ang brain setting mo sa pinakamababa, magmumukha ka na nun na mangmang at ignorante sa pag-ibig.

9.) Dahil malaki na ang na-invest mo – kung may time deposit sana yung pag-ibig, tipong yung ginastos mo nung first date n’yo na 50 pesos, magkakaroon ng interes at puwedeng i-withdraw pag umabot na sa maturity period. Kaso wala, kaya nganga.

10.) Dahil takot kang mapag-isa – sino bang hindi? Kahit yung pinakamaliit na garapata, naghahanap yan ng ka partner sa buhay. Pero kung mag-isa ka man ngayon, hindi ibig sabihin bukas o sa susunod na sahod eh mag-isa ka pa din. Matuto kang pigilan yang bumubulwak na kalandian mo sa katawan.

11.) Dahil iba priority mo sa buhay – mas inuuna mo pang aralin yung art ng paglalandi kesa pagsaing. Mas inuuna mo pang bulatlatin yung brip ng bf mo kesa sa mga libro. Mas inuuna mo pang hanapin yung forever kesa sa sarili mo. Masyado kang pa-hardcore sa love. Kung mayaman ka, puwede, pero kung ultimo napkin mo hirap kang bumili, aral-aral muna siguro.

To wrap up this whole pabebe conversation:

Lahat naman tayo dumaan sa pagpapakatanga sa pag-ibig. Pero it doesn’t mean na gagawin na nating pangkabuhayan ito. Isipin mo na lang na hindi tayo dinala ng siyam na buwan sa sinapupunan ng mga nanay natin para lang saktan tayo ng ibang tao. Ilang bote ng viagra, hits ng yosi at calories din ang na burn ng tatay mo para lang mabuo ka tapos hindi mo yun papahalagahan? Bakit bayani ka ba? Hindi kalibogan ang dahilan kaya  nagpabaril si Pepe sa luneta. Kaya kahit anung twerk mo diyan sa bf mo, hindi ka pa rin tatayuan ng monumento sa gitna ng Edsa. Pero choice mo yan, karapatan mong magpalaspag ng sarili mo sa iisang tao. Kesho mahal mo?Punyeta, uweee! Mas mahalin mo muna ang sarili mo bago ang iba. Masyadong maikli ang buhay at masyadong malawak ang mundo para magpaka-extreme ka sa pag-ibig. Kaya kumalma, mag-explore, humagod at lumasap ng mga bagong bagay sa paligid.

1 Comment

Leave a Reply

Your email address will not be published.