Perya ng Buhay

Naranasan mo na bang sa buhay ay sumabit?
Nang sa hirap ng buhay matutong sa patalim mangunyapit?
Yan ang buhay na dinaranas ng karamihan sa atin;
Isang kahig, isang tuka, laging kapit sa patalim.

Naranasan mo na bang tumulay sa alambre?
Magpasirko-sirko’t magpatawa ng marami?
Yan ang buhay na dinaranas ng iba nating kababayan,
Na umalis ng bansa upang pamilya’y matulungan.

Nagpaalila’t nagpaapi sa pinaglilingkurang banyaga;
Maglakad man sa bubog, pilit ginagawa.
Matustusan lang ang kailangan ng pamilyang naiwan;
Mabigyan ng maalwang buhay, tiya’y malagyan ng laman.

Tila payasong pinipilit magpatawa sa mga hari;
Kahit ano’y gagawin, di na magiisip o mamimili.
Pagkat buhay ng mahal ang laging nakasalalay;
Kahit dignidad at sariling buhay, walang alinlangang iaalay.

Ngunit anong ganting-gawain ng ibang nakikinabang?
Winawaldas sa wala ang katas ng pinaghirapan.
Akala mo’y milyonaryo, gumasta’y parang bukas ay wala;
Ang akala, porke’t nasa ibang bansa’y nakahiga sa pera.

Paguwi ng pobreng nanilbiha’y tuluyan lang nagtaka;
Pagkat hirap sa ibang bansa’y tila di yata nagbunga.
Parang baliw sa pagiisip, mata’t bunganga’y nakabuka;
Kapalit ng pawis at dugo, saan na napunta?

Kaya’t muli na namang babalik sa bansang pinagsilbihan;
Na walang baung saya, kundi hirap ng kalooban.
Nagiisip ng paraan kung sa buhay pa’no makararaos;
Kung pa’no di maghirap, kung pa’nong hindi makapos.

Muli na namang maglalambitin at tutulay sa alambre;
Kakain ng apoy, magpapahabol sa mga tigre.
Maninikluhod sa mga taong hindi naman kapamilya;
Upang ang sariling pamilya’y ang buhay, guminhawa.

Yan ang perya ng buhay ng karamihan sa atin;
Laging hirap ang karamay, laging sa bangin nakabitin.
Paulit-ulit lamang mangyayari, sa anumang panahon;
Hanggang maubos ang pagasa’t umuwi nang nakakahon.

11 Comments

  1. God did not promised us an easy life. But He promised to be with us every time we call on His name. Be reminded God said “FEAR NOT!” 365 times in the Bible, enough for each day of the year. Trust and Obey.

  2. wow……….Polski……….tutuo ka diyan……maraming kwento akong nasilayan sa banyagang lugar ko lang napag alaman ang ganong kasaysayan…….Thumbs up!

  3. Sipag at tiyaga, basta ang ginagawa mo ay matuwid wala kang naapakan. lahat ng paghihirap magbubunga din.

  4. Sipag at tiyaga, basta ang ginagawa mo ay matuwid wala kang naapakan. lahat ng paghihirap magbubunga din.

  5. lalo cguro kng magulang ka!, para anak wag lang magutom o d makapag aral kailangan gawin mo kahit ayaw muna. kahit minsan sarili mo nang anak dka na nya maintindihan sa ginagawa mo sugod pa din, kc nga para sa kanila yon…gusto mong gawin kahit ayaw mo na! hay! buhay pinoy…

  6. lalo cguro kng magulang ka!, para anak wag lang magutom o d makapag aral kailangan gawin mo kahit ayaw muna. kahit minsan sarili mo nang anak dka na nya maintindihan sa ginagawa mo sugod pa din, kc nga para sa kanila yon…gusto mong gawin kahit ayaw mo na! hay! buhay pinoy…

  7. Habang may buhay,may pag-asa. Kung my sipag at tiyaga walang imposible. Magsikap,magtiwala sa sariling kakayahan lahat ng balakid kayang lampasan…..

Leave a Reply

Your email address will not be published.