“MANNY-NIGURADO”

(Photo Credit: Usatoday)
(Photo Credit:  Usatoday)
(Photo Credit: Usatoday)

Nagbubunyi na naman ang buong sambayanang Pilipino sa pagkapanalo ng ating PAMBANSANG KAMAO laban kay Bradley by unanimous decision. Lahat ay nagkakaisa ng damdamin dahil sa muling pagbandera ni Manny ng ating lahi sa buong mundo sa kanyang pinakitang galing, husay at determinasyon sa larong Boxing!

Ngunit ‘di pa man umiinit ng husto ang pagkapanalong ito ni Pakman, marami nang MANNY-NIGURADO sa pagkapanalong ito ng ating Idol. Malamang sa oo, nariyan na naman ang mga sugapa sa pera na mga pulitiko at ilang ahensya sa gobyerno na nag-aabang sa panalo ng ating Kampeon. Nakikini-kinita ko na ang ilan sa kanila na gagawa ng isang hakbang laban kay Pacman para lamang magkamal ng salapi. Ano na namang isyu ang muling ipupukol sa ating Pambansang Kamao?

Ito ang susubaybayan ng taumbayan. Dahil nagdudumilat ang katotohanan na sa bawat panalo ni Pacman, kaakibat nito ang pananamantala ng iba para lamang sa pansariling interes at kapakanan.

Gayunpaman, isang Bigwas ng pagbati sa ‘yong tagumpay Pacman. You made all the Filipino Nation Proud!!!

About Orlie Jacob

Isang simpleng "Tea Boy" sa Gitnang Silangan na nagbabakasakali na sa bansang Arabo matagpuan ang suwerte. Tatlong taon nang OFW at tanging pagsusulat ang libangan at talentong p'wedeng ipagmalaki. Sa pagsusulat, nagkakaroon ako ng sarili kong mundo kasama ang aking mga "IMAGINARY FRIENDS". Dati na rin akong nakapagsulat sa "LIWAYWAY MAGAZINE" at bukod sa pagba-blog, nagsusulat din ako ng Nobela sa Wattpad. Kung bibigyan ng pagkakataon, nais kong buhayin ang LITERATURANG PILIPINO sa pamamagitan ng aking mga akda na maiikling kuwento. Idolo ko sina Ginoong Efren Abueg, Ginang Lualhati Bautista, Bob Ong, at iba pang batikang manunulat sa ating bansa. Nawa'y maibigan n'yo rin ang bawat akda ko rito sa Definitely Filipino!