Lessons from the AMALAYER shit.

AMALAYER. (Photo Credit: shawie.com)

Hindi na bago ang mga ganitong klaseng insidente sa internet ngayon. Nagsilabasan ang mga tao na malalakas manghusga sa kani-kanilang kapwa na akala mo ay walang pinagkaiba sa kanilang pinaggagagawa.

And not to mention, isa na naman ito sa mga pauso ngayong taon na walang kaatorya-torya. Mga tipong nakakabobo ba.

Ito ang mga aral na dapat matutunan ng sinuman, hindi lang ng nakastigo ng mga netizens sa pangalan ni Paula Jamie Salvosa, ang lady security guard ng Light Rail Transit Line 2 Santolan Station na si Sharon Mae Casinas, ng video uploader na si Gregory Paulo Llamoso at ng lahat ng netizens na pumatol at pumanig sa kung saan-saan. Na…

  1. Ang level ng isang ordinaryong mamamayan na nakakapag-Facebook, Twitter, YouTube at kung ano pa ang kanyang mga account sa world wide web ay kahalintulad na sa mga celebrity na napapanood mo sa TV at pelikula, napapakinggan sa radio o ni ultimo yung mga nababasa mo sa mga pahayagan. Ibig sabihin, lahat tayo ay pantay-pantay na.
  2. Ika nga ng blog ni Lourd de Veyra nun na nailimbag sa librong This Is A Crazy Planets, “it takes only one – and only one loss – just one humiliating knockout, for the entire empire to crumble.” Anong konek?  Siyempre, alamin mo. Ang lakas mong manghusga sa mga bagay-bagay, pero ‘yang ganyang salita hindi mo maintindihan? ‘De. Ang punto niyan ay kayang patumbahin ng isang pagkakamali (as in isang katiting lang na kamalian) ang reputasyon ng isang tao. Kumbaga, ingat-ingat din kasi sa mga kinikilos.  Maihahalintulad ito sa Miranda Rights o ang karapatan ng isang nasasakdal sa krimen, na anuman ang sasabihin (o iaakto) mo ay posibleng gamitin laban sa iyo.
  3. Hindi lahat ng mga nagrereact ay alam ang kanilang ginagawa. Yung iba diyan, pustahan – halatang nakikiuso lang.Mga feelingero at feelingerang affected lang. At hindi na bago ang mga “nakikiuso” mula sa advent ng FlipTop (na dumarami ang mga wannabe judge na kesyo luto daw ang laban, pero wagas kung makademand), mga nagreact sa iba’t ibang mga kaso na tulad nitong AMALAYER na ito, (i.e. Ahcee Flores, Dislike video ni Jimmy, atbp.), at kung anu-ano pang mga pautot na trending sa internet. Kung tutuusin, dapat nga ang mga tulad ko ay hindi na dapat magreact e, pero dahil sa dumarami na naman ang mga umaasal na mga mangmang pagdating sa pagpatol ng mga isyu, e sorry na lang sila. Bakit? See next item.
  4. Mas may karapatan na magreact ang mga tao na nakasaksi sa insidente mismo. Dahil sila ang mas nakakaalam ng pangyayari, sila ang mas nakakaalam ng kung ano ang tama at mali sa mga naganap. Ganun kasimple. Ika nga, don’t speak as if you know everything. Pero kung hindi makapagpigil, siguraduhin na alam mo ang iyong limit. Kung sa insidente lang ng video ang tinatalakay, doon lang puwede magbigay ng iyong take.
  5. Para sumikat ka, ‘wag mag-audition. Gumawa ng kaistupiduhan na bagay, tulad nun. (sabay lingon sa video) pero…
  6. Kahit sa advent ng citizen journalism, dapat umiral pa rin ang “responsibilidad.” Buti na nga lang yung ilan sa mga newscasts e nagawang i-blur ang pagmumukha ng taong gumawa ng kalokohan e. Kasi alam nila na isang malaking sampal sa kanila yan kapag nilantad nila yun. Ano pa ba ang silbi ng tinatawag na “media ethics” sa kanila kung ganun? At buti nga may nagce-censures kahit papaano e. Kadalasan kasi sa mainstream e… alam n’yo na. At kahit na rin pala sa social networking, dumarami ang mga balatuba. Nga pala, additional lang din sa item na ito, matutong maglagay ng applicable na pamagat. Yung may aakmang salita sa content nito. Paano mo masasabi na “rude passeneger” siya sa LRT? E wala nga sa tren mismo ang setting? Paano kung may hinihintay lang pala na tao? Rude passenger ba na maituturing porket siya ay nasa vicinity ng Santolan Station ng LRT? My goodness!
  7. Kung ayaw mong sungitan (at may masunigtan), ‘wag kang magtrabaho o gumala. Bakit? Makakapangdamay ka pa ng ibang tao sa pagkakaroon mo ng bad vibes. Kawawa naman sila.
  8. Hindi porke’t nagka-TRO na ang cybercrime law e tuloy-tuloy kayo sa pangsa-cyber-bully n’yo. Palibhasa hindi n’yo alam kung ano ang pakiramdam ng taong nabully na ni minsan sa internet. Pero teka, masisisi ba natin ang social media? Sa panahon ngayon, hindi na rin e. Dumarami man ang tao e iba-iba rin kasi tayo ng pag-unawa sa kada problema o mga balitang nakikita e. Ayos lang sana e, kaso dumarami din ang mga asal-gago. Yun lang.
  9. Bago ka tumawag ng foul, isipin mo muna kung ano ang nagawa mo, dahil usong-uso pa naman ang tinatawag na “instant digital karma.” Self-explanatory, marami na nga ang nasampulan niyan e. Kailangan pa ba mag-drop ng mga pangalan?
  10. Wala kaming pakialam kung edukado ka o kung saang eskwelahan ka galing. So what kung may pinag-aralan ka, o mas nagsasalita ka ng Ingles kaysa sa amin? E slang naman! Alalahanin mo, hindi lahat ng edukado ay matitino at hindi lahat ng matitino ay mataas ang pinag-aralan. Parang ito lang, “aanhin mo ang edukasyon kung ang ikaw naman ay mas masahol pa sa hayop?” Uso ang manners, mga pare at mare, unless kung balahura siya nag-approach sa iyo, diyan lang applicable ang maging straightforward.  At speaking of English, ito lang yan e…
  11. Bago ka manghusga (o umakto), siguraduhin mo na kaya mong magsalita ng tama. Alamin ang tamang pronunciation ng bawat salita. At alamin rin pala ang tamang grammatika. Oo, titira-tira ka pa ng AMALAYER diyan, e i-spell mo nga ang salitang LIAR? Baka hindi mo pa magawa. *%$# ka pala e!
  12. At bago ka rin pala manghusga, siguraduhin mo na hindi ka rin tulad niya. Dahil kung ganun lang din ang gawain mo sa kada istasyon ng LRT o sa kung saang establisyamento pa iyan, e wala ka rin palang pinagkaiba sa kanya e. Kung gago siya, e mas gago ka naman! Worse? Ipokrito ka. Huwag magmalinis na parang isa kang banal na tao.
  13. Matuto manghusga nang tama. Tutal hindi naman applicable ang kasabihan na “Don’t judge the book by its cover.” At madalas sa mga pagkakataon ay mahihilig tayo mag-overthink kaagad sa mga kaso na tulad nito. Absent na ang tinatawag na “benefir of the doubt.” (Sabagay, uso pa ba yun sa advent ng mga videos na lumalabas sa YouTube?) Pero ‘di ba nga may kasabihan din nun na laging binabanggit ng mga tulad ni Papa Jack, na kayang sirain ng isang pagkakamali ang pagkatao mo at makalimutan nun ang sampung tama na nagawa mo? Pero ito lang yan e, kung marunong kang manghusga ng tama, hindi ka dededepende sa mga negatibong bagay o sa isang panig lang. Titimbangin mo ang mga ito, pag-aaralan at doon ka matuto kung paano gumawa ng tinatawag na “constructive criticism.”
  14. At sa kada usapin na tulad nito, uso ang mag-move on, lalo na kung wala naman talagang kuwenta ang pinag-uusapan… tulad ng AMALAYER na iyan. Sa totoo lang, eberiwansalayer… este, everyone’s a liar naman ha. Ops, ulit… ‘Wag magmalinis.  (Sabunin kita diyan e.)

Yan ha? Okay lang tawanan ang problema (minsan lang naman yan e), pero matuto din naman sana tayo.

09:26 a.m., 10/15/2012

author: slickmaster | © 2012 september twenty-eight productions

9 Comments

  1. I agree. Having the equal opportunities to speak up (at least through social networking sites)has given everybody with accounts on these sites powerful. I’d rather look at how this works to our advantage (cause it sure is tempting to get annoyed): since you can see how people think and react, you CAN take part in either correcting or presenting educated opinion. Well, if it’s a big deal, anyway. As you said, let’s not waste our time on trivial matters.

    • The power of social networking is so powerful that one should learn how to handle it responsibly. It can be a big deal for only a brief moment, but if people can only handle them properly. Sadly, it’s a other way around.

      • Indeed. Time and time again, I get turned off and dismayed at how people easily make judgments without analyzing all possible angles to a story. I don’t want to lose hope, though. At least, we are all presented the problem that NEEDS solving: the way people think or how people react.

  2. Bilib ako sa Author na tackle niya lahat ng tama at mali sa isyu na Rude Pasanger…Sana huwag na lang bigyan ng ibang readers ng kulay ang blogs na ito kasi maganda naman ang message niya sa bawat isa na babasa..kudos sa Author..^_^

Leave a Reply

Your email address will not be published.