Class Election

Class Election (Photo credit: Nomorepopcorn.wordpress)
Class Election (Photo credit: Nomorepopcorn.wordpress)
Class Election   (Photo credit:     Nomorepopcorn.wordpress)
Class Election (Photo credit: Nomorepopcorn.wordpress)

The table is now open for the nomination for President.

(Unahan sa pagtaas ng kamay)

“I respectfully nominate Lobella Parafina for president.”

“I respectfully nominate Medel Doce for president.”

“I respectfully nominate Mark Philip Banal for president.”

(Nagbulungan) “Tama na yan” “Hindi, isa pa” “si Dickson for president” (sigaw ng luko-luko kong classmate), nagtawanan lahat.

“Si ano na lang, si Warlito. Para araw araw may libreng pagkain” “hahaha” (isa lang ang tumawa) Muling tumahimik lahat matapos may sumilip na guro sa classroom namin, balik seryoso muna.

“Meron pa bang magnonominate?” (tanong ng kinakabahang tagapagsalita). “Wala na, sila lang yong matino dito e” hirit ng isang mukhang walang kinabukasan. (May biglang nagtaas ng kamay)

“I move that the nomination be closed”.

(Sabay- sabay namang nagtaasan ng kamay ang mga gustong makapagsecond the motion.)

“Ako, ako, ako, ako, ako, ako, ako, ako.”

“i second the motion, yeahhhh!!!”

(sabi ng epal sa likod na hindi naman tinatawag).

Who are in favor of Lobella Parafina?”

(Nagtaasan agad ng kamay ang mga kaibigan nyang kikay, may hawak pang mga salamin at make-up)

(agad namang nagbilang ang naatasang maging sekretarya pansamantala)

” 1,2,3,4,5,6,7,8,9,10,11″
“11 lahat”

“Who are in favor of Medel Doce?”

(nagtaasan agad ng kamay ang mga katropa nya at ang mga lagi nyang kainuman tuwing sabado’t linggo, may kasama pang sigawan at palakpakan)

(nag-umpisa na ulit magbilang ang naatasan)

1,2,3,4,5,6,7,8,9,10,11,12,13,14,15,16,17,18,19,20,21,22″
“22 lahat”.

“who are in favor of Philip Banal?”

(Natahimik ang lahat) May tatlo lamang na nagtaas ng kamay, hindi nga man lang lumampas sa ulo nila ang kanilang mga palad sa pagtataas. Hindi nagtaas ang mismong kandidato.

“Hoy, Philip. Magtaas ka kaya.”(Pilit ng katabi niyang madaldal)

 “E baka may putok kaya ayaw magtaas” (pang-aasar ng mukhang MWF lang naliligo). (napilitan naring siyang magtaas ng kamay.)

(nagbilang na ang naatasan)

“1,2,3,4, wala na?”

“Wala na? Tatlo lang talaga yong kaibigan niya.”

(Natahimik ang lahat, dumating pala si maam)

“Maam, si Medel po ang nanalong president”

“Ah, ganoon ba? oh sige, siya na ang magsasalita diyan.”

“whooooo, hoooohh” (sigaw ng kanyang mga alagad)

“T-the tt-ttable i-is n-now open f-for the n-nomin-naa-tion for vice p-president.”

“Ano ba yan?” (sigaw ng natalong kandidato)

“Kinakabahan kasi ako maam” (paliwanag ng president)

(tumahimik lang ang lahat hanggang sa may nagtaas ng kamay.)

“I nominate Lobella Parafina for vice President.”

“I nominate Philip Banal for vice president.”

“i move that the nomination be closed.”

(nag-unahan na naman ang lahat sa pagtaas ng kamay)
“Ako, ako, ako, ako, ako, ako, ako, ako, ako.”

” I second the motion”
“Kaasar, dapat ako doon e.” (reklamo ng hindi napiling magsecond the motion)

“Who are in favor of Lobella Parafina?”

(Nagtaas ng kamay ang karamihan)
(Nagbilang na ang naatasan)

“1,2,3,4,5,6,7,8,9,10,11,12,13,14,15,16,17,18,19,20,21,22,23,24,25,26,27,28,29,30,31,32.” (huminto sya sa pagbibilang)

“Ulit nga, ayusin nyo kasi ang pagtataas” (reklamo ng pansamantalang sekretarya)

“1,2,3,4,5,6,7,8,9,10,11,12,13,14,15,16,17,18,19,20,21,22,23,24,25,26,27,28,29,30,31,32,33,34,35. . . . . . .”

“Majority win na, wag mo nang tapusin.” (sigaw ng nagmamadaling estudyante)

“majority na daw, isulat mo na sa blackboard ang pangalan nya” (utos ng president sa pansamantalang sekretarya)

“The table is now open for the nomination for secretary”

“I nominate Abegail Aguilar for secretary”

“hala, bakit ako?” (Pagtataka ng pansamantalang sekretarya)

“I nominate sherald salamat for secretary”

“I move that the nomination be closed”

(unahan na naman sa pagtaas ng kamay)

“ako, ako, ako, ako, ako, ako, ako, ako.”

“Oh, ikaw”

“I respectfully nominate Jerick sto. Domingo for secretary”
“I nominate justine Bellosillo for secretary”

“hoy, tama na” (reklamo nila)

“I move the nomination be closed”

“ako, ako, ako, ako, ako, ako”

“Yes”

“I nominate. . . . “

“Ano ba yan, ang dami na kaya”

“Last na to, i nominate, Ermalyn amador for secretary” (nagtawanan ang lahat)
“hahahaha, pangit pangit ng sulat nyan e. Parang kinahig ng manok”
“hoy, grabe ka”

“I move that the nomination be closed”

“I second the motion” (sigaw ng lahat)

Who are in favor of Abegail Aguilar?

“1,2,3,4,5,6,7,8,9,10,11,12,13,14,15,16,17,18,19”

“who are in favor for Sherald Salamat?”

“1,2,3,4,5,6,7,8,9,10,11,12,13,14,15,16,17”

“Haha, talo si sherald” (pang-aasar ng katabi ko)

Hoy ako pa, kay Sherald pala ako”

“18 na.”

“Ako rin kay sherald”

“19 na”

“Sherald na din pala ako.”
nakaboto ka na e. (Sigaw ng bungarera kong classmate)
“utot mo, Hindi pa kaya.” (Ganti ng mas bungangera)

“Ano ba talaga? Ulit nga.”
“1,2,3,4,5,,7,8,9,10,11,12,13,14,15,16,17,18,19,20”

“Haha, talo nga ako no?” (Bawi ko)

“Who are in favor for Jerick?”

“wala na yan, 45 lang tayo lahat e. Absent pa sina tikboy at protacio.”

“Si sherald po maam ang nanalo.”

“Oh sige, siya na dyan sa unahan.”

Bukod sa paghahanap ng taong mapagkakatiwalaan sa paghahawak ng mga nakolektang bariya mula sa mga standing sa klase at maiingay na estudyante bilang treasurer, bahala na rin kung sino ang magiging auditor namin, yon na lang sigurong magaling sa Mathematics. Yon na lang kasama sa top 10 siguro para sa P.I.O. Kung sinong magaling magdrawing, syempre siya na talaga walang iba ang Project Manager. Peace Officer? Mas mabuti na yong mahilig sa trouble para takot sa kanya. Pipili na lang din ng isang Representative sa bawat brgy. at kung sino ang pansampu sa top 10 e siya na lang ang chairperson. Ang galing no? ‘Yon ang aming batayan.

“The table is now open for the nomination for Dream Girl.”

Hanggang ngayon, hindi ko parin alam kung bakit kailangang may dream girl pa ang classroom kung mayroon naman muse. Di bale na lang, ituloy na lang natin ang botohan.

“I nominate Chachez Adaya for Dream Girl”
“I nominate Melody Manalo for Dream Girl”
“I nominate Myra Camara for Dream Girl”

“I move that the nomination be closed”

(As usual)

“Ako, ako, ako, ako, ako, ako, ako, ako, ako”

“I second the motion”

“Who are in favor of Chachez?”

“1,2,3,4,5,6,7”

Who are in favor of Melody?”

“1,2,3,4,5,6,7,8,9,10,11,12,13”
“Who are in favor of Myra?”

“1,2,3,4,5,6,7,8,9,10,11,12,13,14,15,16,17.”

“Panalo na”

“The table is now open for the nomination for Escort”

Siyempre may Dream Girl kaya dapat meron din siyang Dream Boy.

“I nominate Christopher Aguilar for Escort”

“I move that the nomination be closed”

“Hala ka! nagmamadali?”

“Ok na yan, sila na lang. Bagay naman sila e, saka wala nang oras”

Oh, si Christopher na lang daw?”

“Sige na, ok lang”

“The nomination for Muse is now open”

“I nominate Jolly Juvy Marquez for muse”
“I nominate Arzziel Laude for muse”

“I move that the nomination be closed”
“I second the motion”

“who are in favor of Jolly?”

1,2,3,4,5,6,7,8,9″

“Who are in favor of Arzziel?”

“1,2,3,4,5,6,7,8,9,10,11,12,13,14,15,16,17”

“Bakit parang ang konti?”

“Maam, merong hindi bumuboto. 26 lang lahat, 45 po tayo, may absent na dalawa.”

(Tahimik lang ang ilan habang ang mga totoong hindi bumoto ay nagsasabing bumoto sila.)

“The table is now open for the nomination for Escort”

“I nominate Jose Amandy”

“I nominate Pablo Asuncion for Escort”
“ang pangit, haha” (panlalait ng kaklase kong hindi naman gwapo)

“I move that the nomination be closed”

“I move that the nom. . . “
“Hoy! Second the motion na”
(Pagtatama ng classmate kong nagmamagaling)
“Ah, I second the motion pala”
(Halatang hindi nakikinig)

“Kay Pablo tayo, kay Pablo.” (Bulong ng mga siraulong estudyante sa kani-kanilang mga katabi habang nagtatawanan.)

“Who are in favor  Jose Amandy?”

“1,2,3,4,5,6,7,8,9,10,11,12,13,14,15,16,17,18,19”

“Who are in favor of Pablo?”

“Wooooooooohhhh”

(Sabay sabay na nagtaasan ng kanilang dalawang mga kamay kasama ang dalawang paa habang nagsisigawan ang lilimang taong may pakana ng nasabing kalukuhan. (Nagwagi pa rin ang tunay na guwapo)

Para sa akin, hindi sikat ang mga nananalong Presidente lalo na ang Bise Presidente tuwing may election sa klase, dahil ang tunay na inaabangan ng mga estudyante ay ang botohan para sa singing sweetheart at songbird. Madalas din akong mainominate bilang song bird, yon nga lang, mas madalang naman akong manalo. Paborito ko kasing pumiyok at paborito din ng mga classmates kong tumawa.

“The table is now open for the nomination for Singing Sweetheart”

“I nominate Abegail Aguilar for Singing Sweetheart”
“I nominate Rona Khit Vistan for singing sweetheart”
“I nominate Myra Camara for singing sweetheart”
“I nominate Violet Camara for singing sweetheart”
“I nominate Jolly Juvy Marquez for singing sweetheart”

“Uy, ang dami na nyan.”

“Ok lang yan, para ‘di muna tayo magklase.”

“I nominate Lobella Parafina for singing sweetheart”
“I nominate Rodelyn Vallesteros for singing sweetheart”
“I nominate Joanna Marie Verastigue for singing sweetheart”

“Ako, ako, ako, ako, ako, ako, ako, ako naman.”

“Oh, ikaw na”

“I move that the nomination be closed”
“I second the motion”

“The table is now open for the nomination for Songbird.”

“I nominate Aaron Deseo”
“I nominate Jose Amandy”
“I nominate Jesrhon Anda”
“I nominate Marlon Laurio”
“I nominate Elvin Lavides”
“I nominate Roderick Oliveros”
“I nominate Darrel Porcincula”
“I nominate Sherald Salamat”

“Ako, ako”
“I move that the nomination be closed”
“ako, ako”
“I second the motion”

(nag-umpisa na ang election musical)

“Go Abegail, galingan mo” (sigaw ng bestfriend nya)

Ako ay isang anak mahirap, lagi na lang akong nagsusumikap. Grade one lang ang inabot ko, no read no write pa ako, paano na ngayon ang buhay ko. Isang kahig isang tuka. . . “

“Hindi ako manok, hindi ako manok”
(sigaw ng isa kong classmate na medyo komedyante)

“Ganyan kaming mga dukha. Isang kahig isang tuka. . . .”

“Hindi ako manok, hindi ako manok.”
(Sigaw na ng karamihan habang nagtatawanan)
(Tumigil na sa pagkanta si Abegail, mukhang biglang nahiya dahil sa tawanan naming lahat)

“Oh, next. Rona, Kahit ikaw na”

“‘Cause I am your lady
And you are my man
Whenever you reach for me
I’ll do all that I can
We’re heading for something
Somewhere I’ve never been
Sometimes I am frightened
But I’m ready to learn
Of the power of looooooovvvvveeeeeee. . . “

(sustained ng 20sec.)
(Todo bigay si ate, sigurado ako siya na naman ang mananalo.”)

Hindi ko na ikukwento kung anu-ano ang kinanta ng mga kandidato. Basta ang alam ko, maraming sintunado, mahinang boses, feeling magaling, feel na feel, pumiyok at meron pang nagsasayaw habang kumakanta, meron pang parang tumutula lang. Meron din namang nasa tono pero hindi parin pinalad manalo, tulad ko dahil pumiyok ako sa pagpipilit na maabot ang pinakamataas na tono ng kanta ni Celine Dion na To love you more.

May narinig pa akong “ipanalo n’yo na si sherald, kawawa naman, laging talo.” Pero hindi pa rin ako pinagbigyan ng mga walang awa kong kaklase.

Masaya ang election sa klase, mas trip ko ‘to kaysa election sa Pilipinas kung saan maraming nangyayaring labag sa batas at kasamaan. Dito, ikaw mismo ang kandidato, masasaksihan mo nang mabilis kung paano itataas ng iyong mga kaklase ang kanilang mga kamay upang suportahan ka bilang tunay na kaibigan at tunay na karapat-dapat.

Ang problema lang, kapag hindi ka pa nila kilala nang lubusan, para kang nakakulong sa sarili mong katangian o talento, hindi ka makalabas kasi baka sabihin nila na ika’y nagyayabang. Wala kang maikumpas kundi mag-isip at kausapin ang iyong sarili. Gusto mong magtaas ng kamay at mag-nominate ng kaklase para ika’y mapansin, pero ang totoo’y gusto mo ring sabihin sa katabi mo na “inominate mo naman ako bilang presidente” oh kung wala na naman talagang pag-asa. . . . .

“I respectfully nominate MYSELF for President. . . . .”

author:  sherald salamat

p.e./mj

About sherald salamat