Christmas in a Foreign Land

Photo credit: http://1.bp.blogspot.com
Photo credit: http://1.bp.blogspot.com

Decembar 16,2011.

Unang araw ng simbang gabi.Last year sabi ko nun sa sarili ko,tatapusin ko na talaga ang simbang gabi sa susunod na taon para matupad ang wish ko pero eto na naman buti kung isang araw lang na di makaattend ng simbang gabi kaso entire christmas season wala e.Di kasi uso dito ang christmas,paano puro muslim naman ang mga tao dito sa banyagang lugar na ito, di mo tuloy ma-feel ang spirit ng christmas.Ramadan at Haj mararamdaman mo pang holiday(nila). Unang christmas ko ito na malayo sa pamilya; nakakalungkot,walang christmas tree,walang exchange gifts,walang simbang gabi,walang santa claus,walang chistmas lights sa mga daan,walang christmas party,walang noche buena,higit sa lahat di mo makakasama ang pamilya mo.Buti na lang may copy ako ng mga chistmas songs,at least kahit paano maramdaman ko man lang ang Christmas spirit dito sa Saudi. At habang nakikinig,tinamaan tuloy ako ng homesick,gusto ko ng umuwi.Medyo sad kasi yun pinapakinggan kong kanta na “A christmas letter”.Sino bang may time machine diyan?! Pahiram naman oh para makauwi ako ng Pinas kahit ngayong Christmas lang.

Almost a year pa lang ako sa banyagang bansa na ‘to,isang taon pa bago matapos ang contract ko,ibig sabihin 2 christmas at new year ang sasalubungin kong mag-isa. Nakakaloka naman! Pero ok lang yun,kung dahil naman sa kanila kaya ako nandito e. Oo,mahirap,thousand miles ba naman ang pagitan ng Pinas at Middle East e. Di naman parang Manila-Tarlac lang na pwedeng uwian, maground-trip siguro ako pag nagkataon. Kahit gustong gusto mo ng umuwi wala ka naman magagawa. Kahit gusto mong makasama ang pamilya mo,magkasya ka na lang sa video call sa YM o skype para kahit saglit lang e masilayan mo naman silang mga mahal mo sa buhay.

Sakripisyo..mahabang sakripisyo..yan nalang ang kailangan isipin ng mga OFW na kagaya ko. At least ready na ang balikbayan box na ipapadala bago magchristmas. Siyempre lahat sila may mga regalo,kahit malamang late na nila matanggap mga yun.Bagong relo para kay papa, LV na bag para kay mama, bagong cellphone kay ate,ok na siguro sa kanya ang iphone, pwedeng chocolate na lang kay bunso, naubusan na ng budget e, kasama din sina lolo,lola, mga pinsan at kaibigan at iba pang mag kamag-anak,o diba ang saya nun. At least naman kahit paano,on your own way,mapapadama mo sa kanila ang pagmamahal at pagalaala this christmas season. Iyon lang naman kasi ang pwede mong gawin. Buhay OFW nga naman!

Kahit wala ka dun,kahit di nila sinicelebrate ang christmas dito,o kahit pa during christmas eve ay nakaduty ka,ayos lang yun,ang mahalaga alam mo sa sarili mo ang tunay na kahulugan ng Pasko saan ka man mapadpad. Mag-isa ka man sa banyagang lugar pwede pa rin maging masaya. Isipin mo na lang kunwari nandun ka nakikicelebrate sa kanila,kumakain ng hamon at keso de bola,ng bibingka at puto bumbong sa tuwing simbang gabi,nakaupo malapit sa christmas tree habang binubuksan ang natanggap na regalo galing kay mama at papa,o diba ang saya nun! Nagliliwanag na ang christmas lights at mga parol sa daan, Kaygandang pagmasdan!

One more year,makakauwi na ako at paniguradong bonggang christmas party ang mangyayari .Excited na tuloy ako,sana 2013 na:) Sa ngayon tiis muna.

Cheers to the birthday boy!Merry christmas everyone:). Walang malamig na pasko sa mainit na disyerto na Saudi!

Enhanced by Zemanta

9 Comments

  1. haha, be happy n lang khit and2 s KSA. Khit nagsosolo k ramdam mo pa rin kc malamig n simoy ng hangin. Wag na lang nating pairalin masyado ang pagkamis s magandang selebrasyon sa Pilipinas kc lalo ka lang mahomsik, hehe. Kming mga pinoy dito ksama ng ibang lahi sa gitna ng dagat, tanging buong buntong hininga na lamang “hay pasko na, wala pa ring ipon…” hehe, pano kc padala lhat ng sahod sa pinas kc nga kelangan astig ang handaan… Pasko eh. No choice talaga, hehe… Tanging biruan na lang tungkol kay kumpare.
    Magpasalamat tayo lage at khit papaano’y pagkamis lang ng selebrasyon… Di gaya ng mga kababayan ntin na nasalanta sa kalamidad sa Mindanao. Ipagdasal nawa ntin sila na nawa’y patatagin pa rin nila ang knilang sa kbila ng kanilang dinadanas ngaun. At kung maitutulong tayo, di na kailangan pang mag-atubili.
    Maligayang Pasko sa iyo kabayan! Malayo man sila, malapit din pagkat sa panalangin – sila’y ating kapiling!

    • tama ka jan kabayan.oo nga grabe un nangyari sa CDO,palapit na nag Pasko saka pa sila nasalanta ng unos.my prayers with them too!sana makarecover sila agad:)ang mga pinoy kahit ano pang ranasin nila sa buhay wala sa bukabularyo nila ang sumuko kaya naman saludo ang buong mundo sa mga filipino!

  2. Ako nandito ako sa US with a American family..kahit meron silang Christmas Tree, sharing gifts, pero iba pa rin ang Christmas sa atin sa Pilipinas or sa family at dahil Katoliko kami. Miss ko yung nagsisimba sa gabi bago mag 12midnight, tapos kakain with family ng Noche Buena at huli ibibigay ang gifts sa kanila. Tama si Yamamoto..There’s no place like home..

Leave a Reply

Your email address will not be published.