Ang Mag-asawa ay Hindi Biro……

(dorcenmmfamilyfoto)

(dorcenmmfamilyfoto)
(dorcenmmfamilyfoto)

My parents got married year 1970.  Kapwa 14 years old lang ang edad ng tatay at nanay namin noon. Nakita ko pa ang picture noong sila ay ikinasal. Para lang silang totoy at nene sa black and white na picture. Sayang nga lang at nasira na ito noong may malakas na bagyo.

Bakit sila maagang ikinasal?

Hindi sila magkasintahan. At lalong hindi rin nanliligaw ang tatay namin noon sa aming inay.  Ang crush kasi noon ng aming tatay ay ang kapatid na sumunod sa aming inay.   

Isang araw, nagkayayaan na sila ay mangahoy sa gubat.  Dahil mga bata pa ay nawili sila sa pangangahoy na may kasamang paglalaro. Namalayan nila na pagabi na pala. Dahil malayo ang kanilang napuntahan, sila ay gabi na nang dumating sa kanilang bahay; inihatid ng aming tatay si nanay noon. 

Nagalit ang Lola namin na sobrang istrikto. Dahil doon, pilit na iginiit ng aming lola na sila ay nagtanan.

Ikinasal sila sa ayaw at sa gusto nila. Batas ang salita ng magulang noon. Bawal suwayin. Ang hawak kamay noon, o kapag ginabi sa labas ang isang lalaki at babae, ay isang kasalanan na; kasiraan ng dangal ng pamilya at kailangang kasalan na ang kasunod.  Bilang panganay, saksi ako sa mga struggles nila sa buhay. Sa mga away, tampuhan at sa mga  masasayang sandali ng kanilang pagsasama.

Isa lang ang na-realized ko, maaari pala talagang ma-develop ang LOVE sa ganitong pagkakataon. At base sa aking mga magulang, sa aking mga naging karanasan sa buhay may-asawa….nasa babae pala talaga nakasalalay ang malaking porsyento sa success ng isang marriage life. Nakita ko kasi iyon sa Nanay ko na tiniis lahat lahat ng pagsubok. Nagkaroon din kasi ng mga bisyo ang aming tatay noon. Babae, alak, sigarilyo at mga barkada. Matiisin ang nanay ko, pero napakasipag at responsable.

Unfortunately, emotionally and physically abused din ang nanay namin noon.  Dahil sa pagtitiis, sakripisyo, panalangin, pang-unawa at pagmamahal sa asawa at mga anak, lahat ng iyon ay nalampasan ng aming inay.  Diyos na ang gumawa ng paraan para tuluyang magbago ang tatay namin ilang taon pa lang ang nakalilipas. Natural lang kasi talaga sa mag-asawa ang hindi pagkakaunawaan, hindi pagkakasundo paminsan-minsan at ang mga argumento.   

——————-
Ang buhay may-asawa ay isang chapter ng buhay na punong-puno ng pagsubok. Kung saan sinusukat ang buong kakayahan ng bawat mag-asawa, kung paano nila ito pagtutulungan upang manatiling buo at maging isang masayang pamilya.