An Open Letter to Bureau of Immigration of the Philippines

Dear Bureau of Immigrations of the Philippines,

Hindi ko alam kung para ka ba talaga sa proteksyon naming mga Pilipino against sa Human Trafficking o sadyang binuo ka para i-underestimate ang pangarap naming makapag-tour sa ibang bansa.

Matagal na naming pangarap ang makapag-tour sa ibang bansa. Pinag-ipunan namin ito ng ilang buwan. Malaysia lang, ipinagkait mo pa sa amin.

Pagod kami sa trabaho at tumatabi ng konti sa aming sahod para kahit papaano ay makaapak man lang sa lupang banyaga ng kahit ilang araw. Nag-abang pa kami ng promo sa isang budget airline para makaya namin ang roundtrip tickets. Nagpabook pa kami ng mumurahing hotel in advance para maavail ang lowest rates nito. Nag-leave pa kami ng ilang araw sa trabaho para makarelax man lang kami sa ilang araw. Para malayo man lang sana pansamantala sa araw-araw na stress sa buhay dito sa Pilipinas.

Nag-research kami ng maayos. Kumpleto kami sa requirements.

Rountrip tickets connecting flights, hotel booking with confirmation letter stamped by the hotel, leave forms, company IDs, enough cash, Malaysia bus tickets booking, itinerary.
Excited na kami sa isang linggong bakasyon sana namin. Pero nabalewala lahat yun dahil hinarang niyo kami. Wala kayong awa. Sinayang niyo ang ticket, hotel booking at iba pang nabayaran na namin na ilang buwang pinag-ipunan namin. Non-refundable yun. Hindi niyo man lang kinilatis ang mga dokumentong dala namin. Mas pinaniwalaan niyo ang sarili niyong pagdududa.

Galit ako sainyo, galit na galit. Inagawan niyo kami ng pangarap.

Sana masaya kayo sa pinanggagawa niyo sa amin. Sana nakakatulog pa kayo ng maayos. Mali ang pamamaraan niyo.

Gumagalang (pa rin),

pobrengbiyahero

P.S., kung matulungan niyo kami mai-rebook ang mga flights namin sa Air Asia (manila to kuala lumpur, vice versa) at sa Cebu Pacific pauwi ng probinsya, lubos naming ikatutuwa. Mabayaran niyo man lang ang pagod, oras at perang sinayang niyo sa amin.

About pobrengbiyahero

isang simple at pobreng biyaherong may isang pangarap sa buhay, ang maikot ang buong mundo.