Kakaibang ‘flexible learning’ trend ng mga college student, nauuso sa social media

  • Kinaaaliwan sa social media ang tila kakaibang “flexible learning” setup ng isang college student
  • Habang gamit kasi ang laptop ay iba’t ibang posisyon na nagpapakita ng kanyang pagiging flexible ang ginawa ng estudyante
  • Aniya, hindi epektibo sa lahat ng estuyante ang flexible learning policy ng CHED

Kamakailan ay inanunsyo ng Commission on Higher Education (CHED) na “flexible learning” na ang magiging new norm sa sistema ng edukasyon. Nilinaw naman ni CHED chairman Prospero de Vera na maaari lamang magbalik ang face-to-face classes kung matitiyak na ligtas ang classroom setup para sa mga estudyante.

Imahe mula Twitter

Kasabay ng anunsyo ng CHED tungkol sa flexible learning ay naging trend sa Twitter ang mga nakaaaliw na flexible learning setup ng mga estudyante. Kabilang sa mga nakisali sa trend na ito ay ang estudyante na si Mellinjan Dolocanog mula sa Lala, Lanao Del Norte.

Sa mga ibinahaging larawan ni Mellinjan ay gamit niya ang laptop habang nasa iba’t ibang posisyon na nagpapakita ng kanyang pagiging flexible.

“I was just so bored at that time and I was only following the flexible learning trend on Twitter. [I tried it] since I have the talent to literally flex my body,” ani Mellinjan sa kanyang panayam sa The Philippine Star.

Imahe mula kay Mellinjan Dolocanog via Facebook

Bilang isang physical education major, sinabi ni Mellinjan na hindi magiging epektibo ang flexible learning policy sa lahat ng estudyante sa kolehiyo. “I don’t think this learning set up (flexible learning) would be effective to college students that really require field or laboratory classes. Because if [this] scenario continues, hanggang sa makapagtapos kami ng college, I don’t know what will happen.”

Nagbahagi rin ang estudyante ng kanyang sariling karanasan sa flexible learning. Iniisip din niya kung paano ang mga less fortunate na estudyante na walang access sa educational resources.

Imahe mula kay Mellinjan Dolocanog via Facebook

“I’m so drained and struggling with e-learning now even if I have the resources naman to access kahit na limited lang, how much more to those underprivileged na kahit pang-load wala. I must say that this type of learning is [only] for those who can afford it,” ani Mellinjan.

Nilinaw naman ni CHED chairman De Vera na ang flexible learning ay hindi katulad ng distance learning. At sa ilalim ng polisiyang ito ay maaaring gumamit ang mga guro ng online at offline teaching method.