Hip-hop Fan Kuno?!

01:21 p.m., 01/01/2013
FlipTop Mindanao presents: Different Ways 2 Maxford vs. Dopee (Photo credit: Youtube.com)

REAL TALK. “90% ng rap battle fans ay walang alam sa hip-hop. Kaya ironic lang na sila pa’ng nagsasabi na puro luto ang laban sa FlipTop. Pero on second thought, may luto nga, pero yung pangluluto ay galing mismo sa mga tao. Kasi kahit hindi kayo tunay na hiphop, kayo pa yung malakas mandikta kung sino dapat ang manalo. Kaya nagda-downgrade ng lyrics ang ibang emcees para lang kayo’y patawanin. Hindi ako gan’on. Hindi ako mag-aadjust sa inyo… p*****i** kayo ang mag-adjust sa’kin! At sa mga kapwa ko emcees, imbis na i-showcase nyo ang tunay n’yong talento at turuan ang mga tao, kayo pa mismo nag-eexploit at nanggagahasa sa art-form na ‘to. Theatrics, antics, paggamit ng crowd sa kalaban, paggamit ng Props. Sa mga binanggit ko na yan, t****** walang kinalaman sa lirisismo at pagra-rap! At sa mga tinamaan na emcees, sorry… pasensya na mga p’re. Joke lang mga p*****i** n’yo, wala akong pake! Kasi kung may English subtitles lang ang mga laban dito, malamang marami sa ‘ting mamimintas. Kasi makikita ng buong mundo kung ga’no kabobo (ang) mga rap battles sa Pinas. At pasensya Anygma, kung sa tingin mo sinisiraan ko kumpanya mo… mali ka. Binabalik ko lang ‘yung pundasyon at istraktura ng FlipTop kaya nga tayo may arkitekto sa liga. Ngayon ang pagsakripisyo ko sa round na to ay patunay na ‘no match’ ka sa’kin sa pagra-rap. Kasi isa lang ang ka-battle mo ngayong gabi, ako binattle ko ang lahat. Kasi isa ka lang parasite sa liga, period. Wala nang meta-metaphor Habang ako, I’m here to rearrange the scene parang movie editor. At sabi ni Dhictah dati, parang UFC daw ang FlipTop. Hindi! Ngayon, parang WWE na rin. Puro stunts, puro gimmicks para lamang mapansin!”

I’m just speaking based on observation, not as a legitimate fan of the hip-hop culture. Aminado ako na maaaring parte ako sa sinasabi niya na “90% ng mga hip-hop fans,” pero what’s even disgusting is  the fact na majority sa naturang numero eh sadyang nakikiuso lang talaga. Parang gusto mo na lang na sabihin sa yung mga tipo nila e… tutal nanonood ka naman via internet e, try mo i-research ang mga bagay-bagay sa hip-hop. Makinig ka ng mga kanta, huwag lang dumedepende sa mga battle sa YouTube. Kung suporta ba ang usapan, parang nasa gawa din ba. Kung kaya mong manood ng live, e ‘di gawin mo.

Siguro ito ang nagagawa ng pagiging adik sa panonood ng mga video sa YouTube. Nagiging instant fan ka kung sakaling naaliw ka at nagustuhan mo sila. Well, walang masama dun. Pero kung panay asa ka lang naman sa bagong upload at hindi mo naman talaga sinusuportahan ang kanilang adhikain dun, e fan ka nga ba talaga? Hindi na yata tama iyun, tsong.

Parang ang tanong e… Real fan ka ba talaga, o bandwagon rider ka lang? As in yung nakikiuso lang. Sumasakay sa kung ano ang trending o porket everyone likes it.

Isa sa mga naka-agaw ng pansin sa akin ay ang video ng FlipTop na ang naganp na laban ay sa pagitan nila Apoc at Sayantipiko. At ang naturang quoted verse na aking binanggit sa unang parte ng blog na ito ay galing sa mga bara ng ikatlong round ni Apoc. Ang tindi lang ng mensahe na binanat niya.

Hindi sa pagiging arogante ng dating nito ha? Pero ang punto kasi nun ay may mga tao na tila barbaro na umasta porke’t naaliw sila sa mga video ng FlipTop.Yung tipo na sa sobrang pagka-aliw nila e ginagaya na nila ang anumang nasasabi ng isang nakikipagbanatan dun. At kung makapagdemand ng bagong video e akala mo sila ang nagpapatakbo ng ligang pinapanood nila. Ayos lang sana kung magtanong ka ng “May bago bang video na ilalabas kayo ngayon?” E kaso kasi ang mga mokong na yun ay parang mga boss kung makapagdemand e. Kung hindi may halong mura, sadayang bastos lang talaga ang pananalita. Nakakalimot yata na nilalantad ng mga ‘to ang mga sariling baho nila sa pamamagitan  ng pagpopost nila ng mala-barbarong kumento sa YouTube o Facebook. (Buti na lang sa Twitter kahit mas matindi ang away dun e sibilisado naman ang pamamaraan ng paglalahad ng bawat user, no?)

Kaya ba nada-downgrade ang dating ng hip-hop sa Pinas, dahil sa mga ilang kanta na may beat na ginaya lang mula sa mga RnB na kanta mula sa banyaga? Mga mababahong lirisismo? Walang artform per se? Nahaluan na rin ba ng ideya ng sobrang kommersyalismo?

Hmmm… mahirap husgahan kung ako ang tatanungin (kasi nga hindi ko pa makukunsidera ang sarili ko na isang lehitimong hip-hop na fan). Basta ang alam ko lang e maraming magagandang musika na nalilikha sa underground at kasama na rin dito ang mga rapper na nakikipag-engage sa mga rap battle event tulad ng FlipTop at Sunugan. At para mas maappreciate mo ng husto ang mga ito, huwag lang pakinggan. Intindihin din ang pinapakinggan. Laliman ang pag-unawa. Sa mga rap battle na video, ma-entertain ka lang pero dapat alamin mo rin ang katotohanan na musika pa rin ang pinaka-primerong purpose ng mga ito.

At sa totoo lang, ang internet ay mundo para sa mga intelektwal, hindi para sa mga nagpapanggap na tanga. At laging may linyang namamagitan sa mga taong tunay na fan sa mga taong nakikiuso lang.

Ang naturang mensahe na nakaploob sa ikatlong round ng banat ni Apoc (11:50 – 13:37) ay mapapanood sa video na “FlipTop – Apoc vs Sayantipiko” sa youtube.com/user/fliptopbattles. 
Author: slickmaster | © 2013 september twenty-eight productions

Follow slickmaster on Twitter @slickmasterph ; via The SLICKMASTER’s Files on Tumblr; and like him up on his Slick Master Facebook page.

 

 

Enhanced by Zemanta
Do NOT follow this link or you will be banned from the site!