Ang Boyfriend kong Writer..
Ako’y may boyfriend; writer siya.
Napakapalad ko sa kanya dahil masyado siyang romantiko.
Araw-araw ginagawan niya ako ng tula at kanta.
Masasabi ko na isa siyang hulog ng langit dahil lahat nang kanya’ng sinasambit ay masyadong matamis na siguradong iyong mamimiss, kapag siya’y umalis.
Hindi ko maalis sa aking isip pangwakas niyang sambit sa bawat linya ng kaniyang istorya, na siguradong kikiliti sa iyong imahinasyon at magpapawala ng iyong tension.
Minsan naman ikaw ay paluluhain upang palayain ang bigat sa puso na iyong nadarama.
Katatakutan, katatawanan kanyang ilalaan upang mabuhayan ng dugo, mambabasa at tagasubabay.
Ako’y naaaliw dahil para siyang baliw sa prinsipyo at pananaw ay hindi ko masaklaw.
Minsan dumating tula niya sa akin ako’y nagulat at namulat, muntik sumambulat at magkalat ang galit sa aking damdamin.
Sulat niyang hatid bigay ay pasakit. Dahil pangalan sa baba ay hindi sa akin.
Ayos lang sana ang tula na kanyang gawa, kung walang pahabol na sulat sa ibaba.
(PS: Para sa yo, babe, muawaaah! gagawa ako ng tula habang buhay..)
Nalito siguro tao na kanyang inutusan, dahil sa dami ng kanyang kasintahan.
Siya’y pumunta sa aming tahanan upang muli ako ay bolahin.
Subalit damdamin ay sadyang nasaktan kaya hindi pinatawad kahit na masaktan.
Kaya mula noon ako’y nag-ingat sa matatamis na salita ng mga kalalakihan
Dahil ayoko nang muling masaktan at tumangis, dahil sa labis na pagmamahal.
Ilalaan ko na lamang angpuso ko sa mamang kahit na walang alam ay tunay kung magmahal.
Kaysa sa lalaking puno ang utak sa prinsipyo’t pananaw.
Subalit sa likod ng talino may aninong mapaglaro.
Kaya sa katulad kong babae, huwag magpadala sa tamis ng salita.
Hanapin ang kabutihan sa iyong sinisinta.
Dahil ang tula at kanta ay kumukupas at nalalaos.
Nakalilimutan, nababaon sa limot at yamot.
Dahil ang tunay na pagmamahal ay hindi nakikita sa tula at kanta.
Ito’y nakikita sa puso at gawa….
©Copyright 2012, Filipino | Definitely Filipino™. All rights reserved. Copying of any article from this Definitely Filipino blog without permission, is strictly prohibited. DISCLAIMER: All articles are opinions of their respective authors and not necessarily of the site owner and Definitely Filipino.
Ip-yon, ako ang writer at taga sulat ng tula. Awa ng Diyos dipa ako nagkamali ng pagsulat sa pangalan ng pinagpadalhan ko. Lolz! Nice itech. Relate.
salamat monettecalugay sa pagbabasa: Aral ito mga palekero huwag mag uutos sa mga tropang lumilipad ang isip..:)Lalo na kung love letter ang ibibigay mo…:) Sa mga girl naman huwag muna kiligin sa matatamis na salita kilalanin mabuti ang lalaking mangliligaw..