Jack en Poy    (Photo Credit:    Palarongpinoy.multiply)

Jack en Poy (Photo Credit: Palarongpinoy.multiply)

Sino’ng maghuhugas ngayon ng pinagkainan?” malambing na tanong ni Momsy sa kanyang mga anak matapos nilang kumain ng hapunan.

“Not me!,” said the first.

“Not me!” said the second.

“Not me!” said the third.

“Mas lalo namang hindi ako, bunso ako eh!” ang kunwari’y paangal na pangiti  namang tinuran ni fourth na nag-iisang babae, sabay  kindat sa kanyang mudra.

“Jack en poy ulit, Mom!” kagulo silang nagtatawanan bilang paghahanda sa jack en poy.

Naalala tuloy ni Momsy ang kuwento ng “The Little Red Hen” kung saan ang kanyang mga kaibigang hayop ay puro tumangging tumulong nang kanyang yayaing magtanim, magdilig, at magharvest ng itinanim na mais; kung saan ang lagi nilang sagot ay “Not I.” “Not I.” “Not I.” Ayaw nilang maabala sa kanilang paglalaro..

 Ngunit nang maluto na ni Red Hen ang mais at naging napakabangong tinapay nito, sinubukan niya muling magtanong.

“Who is going to eat this bread?” asked the little red hen.

“I!” said the pig.

“I!” said the duck.

“I!” said the cat.

“Oh no, you won’t,” said the little red hen. “I planted the seed, I cut the corn, I took it to the mill to be made into flour, and I made the bread, all by myself. I shall now eat the loaf all by myself.”

Oo nga naman… Because none of them took the time to share in the work, why should they partake of the feast?”

- – - -

Makailang beses nang naikuwento ito ni Momsy sa dati’y maliliit pang mga anak.  Akala ng ibang tao, simpleng kuwento lamang ang hatid ng mga Children’s Storybooks gaya ng kuwento ni Little Red Hen.  Ang totoo nito, sa maraming kuwentong bata ay nakapaloob ang mga values integration lessons na maaaring madala ng mga bata sa kanilang paglaki, lalo na kung inaayudahan ng mga magulang.

Simpleng aral ngunit maaaring malalim ang magiging ugat nito sa pagkatao ng mga bata.

The Little Red Hen    (Photo Credit:    Piasaunursery1.edublogs.org)

The Little Red Hen (Photo Credit: Piasaunursery1.edublogs.org)

 “Why share in the harvest, kung hindi ka naman naging bahagi ng paghahanda sa lupa, pagtatanim, pagdidilig at pag-aalaga sa itinanim hanggang dumating ang anihan?”

Simpleng kuwento pero kahandaan sa buhay ang dala ng mga kuwentong gaya nito.

- – - -

Taong 2005 onward…

Habang inaayos ni Bossing ang salansan ng mga tutubusing orders sa kanila, may kanya-kanyang puwesto sina First, Second, Third at Fourth sa kanilang munting shop.

Nag-istapler ng mimeographed exams ang mga boys (mga staff ni Bossing at sina First, Second, at Third) at taga-double check naman ng bilang si Fourth bago ito ibalot at lagyan ng OK sa order form.

Pagkaraan ng isang linggong hataw sa pagtutulungan, may pambayad na sila para sa darating na periodical exams.  Nagsalu-salo muna sila sa Jollibee pagkatapos magsimba.  Dalawang tao sa isang order ng Chicken Joy, with extra rice upang lahat ay makakain.  Pinipilas ni Momsy ang styro upang maging dalawang plato ito.  (Eh ano ba kung hati-hati? Basta, nag-Jollibee kami!  Kung mayroon lang Inasal with unli-rice noon, nakow!  Lugi ang Inasal sa lahi ni Momsy!!!  Ang titipid kaya nilang mag-ulam.  Lol ! ^_^)

Taong 2011-2012 …

May mga trabaho na ang dalawa sa dati’y bata pa lamang.

Bilang panganay, si First ang pinuno ng kanilang ‘tribo’.  Siya ang nagbibigay ng orders kung kailan maggegeneral cleaning o kung ano ang dapat desisyonan sa ilang bagay.  Siya din ang sumasagot sa mga bills sa kuryente, Broadband,  atbp.  Siya din ang tagaayos kapag may kaunting alitan sa kanyang mga kapatid.  Siyempre, siya din ang tagabigay ng “balatong allowance” at sumasagot sa mga date nilang paminsan-minsan lang naman (kasi pare-pareho silang tamad gumala!  At siyempre din, me budget si Momsy eh..hahaha!)

Si Second na ang tuluyang umako sa kalinisan at kaligtasan ng buong kaharian (LOL!)

Nagdagdag-aral naman si Third habang nagcocomputer technician para sa mga kliyente.  Wizard kasi ito sa computers at ang iniatang sa kanyang balikat ay ang kasiguraduhan na laging ayos ang mga computer (hahaha!  Everyone will die without internet eh!)  Which means, exempted na siya sa mga gawaing-bahay dahil dito; pero siya ang manaka-naka’y nagsisilbing runner sa palengke, hardware o grocery dahil mahilig itong magbike.

Si Fourth naman ay malapit nang matapos sa pag-aaral at may sideline itong online work bilang pandagdag sa kanyang tustusin sa pagboboard.  Kapag nasa bahay, siya ay kusa nang naghuhugas ng mga pinagkainan at naglalaba ng kanyang mga inuwing damit.  Minsan ay inaako din niya ang pagluluto kapag busy si Momsy sa trabaho.

Nawala na ang Jack en Poy. Nawala na ang “Not me! Not me!”” May kanya-kanya na kasi silang ginagampanang role.  May kanya-kanya nang specialty, ‘ika nga.  Alam na rin nilang may mga bagay na hindi na dapat sinusukat o sinisilip.  Ang isa ay para sa lahat; ang lahat ay para sa isa. Anuman ang iyong gagawin, dapat ay  nakabubuti ito para sa lahat.  Anuman ang nakahain, ito’y masayang pinagsasaluhan.

Eh ano na ang role ni Momsy ngayon?

Aba… hindi na siya nananawag ng maghuhugas, maglalaba o magluluto.  Siya na mismo ang masayang gumagawa ng mga iyon.  Ngunit may mga araw naman na siya ay sinasalo din kapag mayroon itong pinagkakaabalahan.  Sa kabuuan, masiglang inaasikaso ni Momsy ang lahat ng pangangailangan nila. Eh kasi naman, ipinagkatiwala na sa kanya ang ATM card nila!  Lol!

Eh mahusay naman kayang magbudget si Momsy???  O, sinong magtatanong?  Ikaw o ako?

Tara, jack en poy!  Kung sino’ng talo, siya’ng magtatanong ha?  ^__^

Story of The Little Red Hen:  http://www.childrenstory.info/childrenstories/thelittleredhen.html