by
on
under , , , ,
tagged , , , ,
Permalink



Disclaimer: Definitely Filipino is a community blog. All who write for this blog are independent, unpaid authors. All views, content, images are the responsibility of their respective writers and not of Definitely Filipino. Please contact the author directly with questions about this article.
Send a private message to author Percy

OFW: Isang Bayani

About Percy

Isang Kabataan na maraming pangarap sa buhay lalong lalo na sa kanyang pamilya..

Para sa akin, bayaning maituturing ang isang OFW o ang tinatawag na Overseas Filipino Worker sapagkat kailangan pa nilang lumayo sa kani-kanilang pamilya upang maiahon ang mga ito sa kahirapan. Bilib ako sa kanila dahil kahit malungkot at mahirap ang malayo sa mga minamahal, kinakaya nila ito alang-alang sa kanilang pamilya at dahil na rin sa kahirapan ng buhay sa Pilipinas.

OFW: modern heroes (Photo credit: article.wn)

OFW: modern heroes (Photo credit: article.wn)

Isa na sa mga OFW na ito ang aking ama. Dalawampung taon siyang namalagi doon at umuuwi siya kada dalawang taon. Siya ngayon ay nasa 60 anyos na. Tumigil na siya sa pangingibang bansa, dalawang taon na ang nakakaraan. Hindi pa siya dapat titigil kung hindi lang siya nagkasakit. Ang kanyang sakit na dinadala ngayon ay dala na rin ng pagkatanda tulad ng high blood. Ito ang karanasan ng aking ama:

Taong 1990 nang magpasya siyang mangibang bansa at magpunta ng Saudi Arabia upang doon hanapin ang kapalaran. Dalawa pa lang ang anak niya noon at wala pa ako sa mga panahong iyon. Nagtrabaho siya doon bilang Rigger O. Mainit doon kaya sa tagal niyang nagtrabaho doon ay unti-unting nanlagas ang buhok niya. Hindi naman kami nawalan ng komunikasyon sa kanya sapagkat sumusulat kami noon dahil hindi pa laganap noon ang makabagong teknolohiya. At noong nauso ang telepono, nakikitawag kami sa kung sino ang pinakamalapit na may telepono dito sa aming lugar. Taong 200o nang mauso ang cellphone kung kaya’t nakabili kami ng Nokia 3210 na cellphone at doon na tumatawag at nagtetext ang aking ama. Sunod-sunod na ang pagbili niya ng cellphone hanggang sa magkaroon na kami lahat. Sa loob ng dalawampung taon, marami din siyang naadhika, nakabili din siya ng isang laptop. Wala siyang inisip kundi kapakanan namin at ng mga apo niya. Masarap sa pakiramdam ‘yung nabibili mo ang gusto mo. Kaya lagi niyang payo sa amin na ingatan ang mga gamit kasi mahirap magpundar ng mga ito.

Kahanga-hanga ang mga OFW na katulad ng aking ama kaya ito lang masasabi ko:

OFW, Bayani ka!

author: Percy

p.e./kf


You may also like these articles:

  • Percy

    Tama ka oryxman. Tatay mo siya kaya dapat lang na patawarin mo. Kahit pagbali-baligtarin man ang mundo, di na magbabago na tatay mo pa rin siya. Tama din na bigyan mo ng love and care ang mga anak mo. Ingat ka diyan sa abroad.

  • oryxman

    Alam mo Percy hanga tlg ako sa tatay mo,di lahat ng tatay ganyan ang inisip tulad halimbawa ng tatay namin napakatagal sa abroad ni isang kusing di kami natulungan ang hirap noh buti lumaki kaming maayos,sus at kong hindi ako naging adopted ng Tiya ko cguro di namin matikman ang marangyang buhay,siempre di naman tulad ng mag rich people,ang pagiging maranya ay db tulad ng nakaka angat ang pamilya nyo ng kunti nakapag aral kasa private at nakapag college db marangya na yon?
    Sino bang mag iisip na ang mga tinalikuran nian mga anak magiging maayos ang takbo ng buhay at balang araw mag aabroad at magkakaroon ng maayos na pamumuhay,ganito ang buhay namin kaya ngayon nabago na ang buhay ng ama namin dahil siempre wala na sya sa abroad at masaklap di naman cia nagpundar noon maayos pa ang buhay nia at kumikita ng pera at sinarili nia lang kaya sa huli kasi mahirap naman di namin patawarin kaya pinatwad din namin sya pero hanggang doon nalang sabi nga namin dapat lang makilala mong kami ang mga anak mong pinagkaitan mo ng buhay at iniwanan kaya sa huli sising alipin sya dahil sapat nalang samin na kilalanin bilang ama pero wala na ang pagmamahal ng mga anak dahil sa ginawa nia samin ng kami ay wala pang muwang sa mundo.
    Im married man and i have 2 kids and i always make sure that all their needs and welfare is the foremost important and provide them luxuries that i can afford to see them happy and smile from their faces when ever ill see them kasi nga tulad ng ama mo ang trabaho ko ngayon nasa ibang bansa din kahit taunan me nkk uwi mahirap pa rin ang malayo sa kanila pero tinitiis kong malayo para makapag bigay ng saya at maayos na pamumuhay sa kanila.
    Kaya saludo ako sa lahat ng Tatay Sa Buong Mundo Na Nagmamahal at Palaging Nag Iisip ng Kapakanan ng Kanilang Pamilya….CHEERS TO ALL OFW AND HAPPY FATHERS DAY….

  • Percy

    thanks ate angela.. hahaha 😀 Ikaw ang inspirasyon ko 🙂

    • Angela

      kayo rin mga kabataan ang inspirasyon ko.. GB salamat

  • Angela

    congrats percy,, 2nd blog mo to.. keep n writing. dito lang si ate angela mo dito sa DF.. ang pagsusulat mo ay isang paraan upang mas maging mabuting kang kabataan.. gamitin ang talento sa tama.. proud ako syo.. GB