Father's Day Date (Photo credit: blog.halloweenexpress)

Father’s Day Date (Photo credit: blog.halloweenexpress)

Ang dami kong nakikitang mga karatula kaninang umaga, puro “Happy Father’s Day” ang nakalagay.

Kailan ba ang Father’s Day? (Seryosong tanong po).

Kasi, sa pamilya ko, parang araw-araw naman ay Father’s Day, o kaya ay Mother’s Day. Dapat naman kasi talaga araw-araw ganoon ‘di ba?

‘Yung tatay ko, ‘di naman nagbibigay ng atensyon sa mga ganyang occasion e. Eh s’yempre, busy ‘yon. Pulis kasi ang tatay ko.

He works for the government kaya tustado utak nun sa usapang pulis at usapang pulitika. Although hindi naman niya kami tinutusta sa mga ganoong topic ‘pag nasa bahay siya, alam kong gaooun ang mga usapan nila sa trabaho.

Nabadtrip nga s’ya nung na-convict si Corona e.

Anyway, ba’t ko ba sinusulat ‘tong blog na ‘to? Gusto ko lang kasi ibahagi sa inyo ‘yung mga bagay na ipinagpapasalamat ko sa tatay ko. Wala lang, makikiuso lang.

Hm. Saan ba ko dapat magsimula?

Salamat sa tatay ko sa lahat ng pag-unawang ibinibigay n’ya sa’kin. Nung high school kasi ako, kababae kong tao, suki ako ng guidance counselor. Madalas akong makipag-pisikalan kasi noon at “verbal abuse”. Bully kasi ako noon.

Salamat sa tatay ko sa baon ko araw-araw. Kung wala ang 200 pesos na binibigay n’ya saken tuwing may pasok, baka namatay na ko sa gutom sa school ko.

Salamat sa pag-sponsor sa lahat ng luho ko sa buhay. Kahit minsan, alam kong wala na siyang pera talaga, basta tinuro ko, bibilhin niya. Spoiled kasi ako sa tatay ko e. Pero, pramis, pinapalo pa din ako nyan.

Salamat sa pag-suporta sa akin. Sa dinami-dami ng contests na sinalihan ko, so far, isa palang napapanalunan ko, at second pa ko. Pero okay lang ‘yun kay tatay, sabi nga n’ya, “Basta me medal ka anak, ok na yan!”. Astig ‘di ba?

At higit sa lahat, salamat sa pagmamahal na walang tigil. Sa kabila ng pagiging matigas ng ulo ko at minsan sinasagot pa kita (kahit nagtatanong ka naman talaga), at kung minsan sa tingin mo tinatalikuran kita habang nagsasalita ka (ang haba naman kasi ng sermon mo, ‘Tay.), mahal din kita.

Kaya nga ako nag-aaral para makabawi ako sa inyo ni Mama, para pag mayaman na ko, kayo naman ang bibigyan ko ng maginhawang buhay.

O, paano na? Ang drama na ng tema ng blog ko e. ‘Di pa pala nasasagot ‘yung tanong ko kanina.

Kailan ba talaga ang Father’s Day?

author: totalrandomness

p.e/kf

Enhanced by Zemanta