Construction Worker
Sa pag-volunteer ko sa mass house building, napatunayan ko na tama nga ang sinasabi nila. Ang pagiging construction worker ay ang pinakamabigat na trabaho.
Bilad sa init ng araw.
nagbubuhat ng sako-sakong cemento.
nagpapala ng buhangin, gravel at iba pa.
naghahalo ng concrete (kung walang mixer ay mano-mano pa.)
nagpuputol ng bakal, alambre at kung anu-ano pa.
nag-wewelding (masakit yun sa mata)
naglalagare, nagmamason
Marami pang iba..
Buong araw silang nagbabanat ng buto para may maipakain sa pamilya. Para kumita ng maliit na halaga. Nakataya ang kalusugan habang gumagawa. At pati ang buhay ay nasa alanganin din maitayo lamang ang gusali o bahay.
Hindi alintana ang pagod. Ang mga kamay at paa ay napuno na ng kalyo sa pagtatrabaho.
Ngunit sa kabila ng lahat ng pagod at hirap sa buong araw, nakukuha pa rin nilang ngumiti. Nakukuha pa nilang makatulong sa ibang tao.
Hindi ko man naransan nang lubusan ang buhay nila,ngunit sa sandaling panahon ay nakita ko kung gaano kahirap at kabigat ang tungkulin at responsibilidad na dala nila. Lubos po akong humahanga sa mga taong ito.
Ang mga nakita n’yo pong larawan ay kuha sa mass house building sa San Mateo Rizal. Ang mga bahay po na tinatayo ay para sa mga nabiktima ng bagyong Ondoy. Yung mga construction workers ay ilan lamang sa mga nasalanta ng bagyong iyon.
Nakatutuwang isipin na sa kahit sa munting paraan ay nakatulong kami. Nakatataba ng puso ang pasasalamat at ngiting ibinigay nila sa amin matapos ang araw.
Karapat-dapat po nating ipagmalaki ang mga taong ito. Naniniwala ako na sa
tulong ng Diyos ay muling makababangon ang mga kababayan natin! Let’s pray for them! 
author: walangtao
p.e./kf
©Copyright 2012, Filipino | Definitely Filipino™. All rights reserved. Copying of any article from this Definitely Filipino blog without permission, is strictly prohibited. DISCLAIMER: All articles are opinions of their respective authors and not necessarily of the site owner and Definitely Filipino.
ahh talagang mahirap at mabigat ang trabaho ng construction worker at lalo na kong nasa ibang bansa ka at nasa Middle East grabe pong hirap kaya sana nga po phalagahan nio ang perang pinapadala ng tatay,unlce,tiyo,ninong nyo dahil napakahirap ang buhay ng isang construction workers…mabuhay po ang lahat na marangal na naghahanap buhay sa buong mundo.
tama po kayo. bukod sa hirap ng trabaho, nandun din po yung pagka-miss sa mga mahal sa buhay. Saludo po ako sa mga kababayan natin na nagsusumikap para maitaguyod ang kani-kanilang mga pamilya.