by
on
under
tagged , , , , , , , , , , , , , , , , ,
Permalink



Disclaimer: Definitely Filipino is a community blog. All who write for this blog are independent, unpaid authors. All views, content, images are the responsibility of their respective writers and not of Definitely Filipino. Please contact the author directly with questions about this article.
Send a private message to author EML

Sin City

About emlaureta

i love kangkungkhernitz!

Naalaala ko ang panahon na  kararating ko pa lang dito sa Gitnang Silangan.  Ako ay punong puno ng pangarap at ambisyon ngunit may kaakibat na pangamba.  Pangamba sapagkat balitang balita sa Pilipinas ang mga nangyayaring pagmamaltrato sa mga kababayan nating kasambahay at mga pagpupugot sa mga mga nagkasala at lumabag sa batas.  Subalit inisip ko na lang na pag umiwas ako sa gulo at magtrabaho ng maayos at matuwid e wala naman sigurong masamang mangyayari sa akin.

Pagkalipas ng isang taon, nakasanayan ko na rin ang pamumuhay sa bansang ito. Nawala na ang pangamba at sa katunayan e maluwang naman pala ang batas sa siyudad na ito.  Nakiusap ako sa aking amo na pagbigyan akong tumira sa labas at pinayagan nya naman ako. Nagawi ako sa isang distrito na maraming Pilipino at doon ko naisipang maghanap ng tirahan.  Doon ako namulat sa mga pangyayaring hindi alam ng karamihan. Grabe!!!  Doon ko nalaman na talamak pala ang live-in sa siyudad na ito.  Sa katunayan, sa flat na tinutuluyan ko ang 2 pares ng mag-asawa dun ay live-in.  Marami ring live-in na mga kapit bahay.  Nalaman ko yun dahil sa likas na ugali na ng ibang Pilipino ang pagiging tsismoso at tsismosa. May asawa at pamilya si lalaki sa Pilipinas at ganun din si babae. Ayun sa kwento, si lalaki ay may magandang trabaho at sumasahod ng malaki sa Caterpillar. Si babae ay dating nagtatrabaho sa kapitolyo ng bansang ito subalit tumakas sa kanyang mapagmaltratong amo at napadpad sa siyudad na ito sa kadahilanang nandito ang deportation center. Imbes na magpadeport ay kumapit sa patalim si babae. Sa halagang 2000 isang buwan ay nilako at binenta ang kanyang sarili.  May katulong ka na sa bahay may kasiping ka pa sa gabi.  Yung isang pares naman ay medyo naiba. Legal ang trabaho ng dalawa, Rad. Tech and lalaki at clerk naman ang babae sa malapit na ospital. Ngunit dala siguro ng malamig at malungkot na mga gabi ay naging mag-irog ang dalawa.  Ang masama nito, sila ay may mga pamilya rin sa atin.

Hindi ko lubos maisip kung anong katakot-takot na pagsisinungaling ang ginagawa nila sa kanilang pamilya para makalusot.  Hindi ko rin lubos maisip kung anong konsensya meron sila habang nakikipagtalik sa kanilang live-in partner.  Siguro, bunga ng libog e hindi na sila nag-iisip at dala ng karnal na pangangailangan e dedma na lng sila.  Pero sana sa panahon na hindi sila magkasama e sana mamulat naman sila sa kanilang kahibangan.  Papano na ang pamilya nila? Papano na ang mga pangangailangan ng mga iniwan nila?  Yung perang  pinapadala nila dati para kay Junior at kay Nene e napupunta na sa monthly allowance ng lalaki o babae nila.  Yung pangako nilang  kwintas o bracelet sa Mr. o Mrs. o PSP di kaya Play Station 3 sa  mga anak ay napako na kasi binili ng Iphone4  ang kalaguyo nila.  Hindi na natuloy ang  “monthly amortization” ng bahay kasi sakto lang ang pera sa panggastos tuwing day-off sa Shawly, Barrio Fiesta, o di kaya sa napakamahal na donut na Krispy Kreme, may halong ginto yata ang harina nun! Binawi na rin ang sasakyang hinuhulugan nila sa Pilipinas kasi ginamit nila ang pera pangbili ng second hand na kotse sa Haraj Sayara, para may magamit sila ng kalaguyo nya dahil mas magastos nga naman kung laging limousine. Kinalaunan, hindi na sila tumatawag sa Pilipinas. Hindi na nila sinasagot ang tawag ng kanilang pamilya. Kung tumawag man, ang rason nila ay may OT o di kaya hindi pa sila sumasahod at nag-iimbento ng mga kwento na kesyo bwisit daw ang kumpanya at laging delayed ang sahod nila.  Ang mas masakit, nahinto na ang pag-aaral ng mga anak.  Naka-ilang promisory note na si Totoy at Nene sa pinapasukan niyang University. Ang hindi nila alam e ginastos na ng kanyang Ama o Ina sa abroad and pera na para sana sa tuition nila para ipagawa ng pekeng “marriage certificate” o di kaya pagawan ng pekeng “residence permit” ang live-in partner nya.

Kung ano man ang dahilan kung bakit sila nagsasama ay sa kanila na iyon.  Kung sila man ay nalulungkot o di kaya may binubuhay na pamilya sa Pilipinas at kailangang kumapit sa patalim ay desisyon nila yun. Subalit ang mga palusot na ito ay hindi makatuwiran. Ito ay isang malaking pagkakamali at kasalanan. Mali sapagkat may mga pangako sila sa iniwan nilang mahal sa buhay sa Pinas at higit sa lahat kasalanan sapagkat may sumpaan sila sa harap ng Ama.  Ewan ko ba sa mga taong ito kung anong kaluluwa meron sila.  Kagaya ko noong una e punong puno rin sila ng pangarap.  Inisip din nila na ang pagpunta nila sa bansang ito ang magiging kasagutan sa kanilang mga suliranin.  Ito ang magiging paraan para maiahon nila sa kahirapan ang kanilang pamilya.  Ngunit sa isang iglap ito ay nawala, kapalit ng wala pa isang kilong karne ang kanilang mga pangarap ay nawala na parang bula.

 

 

Enhanced by Zemanta

You may also like these articles:

  • trina

    true…,hindi lang sa silangan talamak ang ganyang gawain,dito sa taiwan gawain din ng karamihan lalo na ng mga nagbubuhay binata’t dalaga!…masakit tanggapin na kapwa pilipino rin sumisira sa kani-kanilang pamilya..maraming bawal na relasyon,unang dating sa dito alam ng lahat na may asawa’t anak sa pinas, ipinagmamalaki ang asawa dahil sa kabaitan, subalit makalipas ang ilang buwan may nobyo na ang nagmamagandang ina at nabuntis!!sa takot na mapauwi ng kompanya at dahil di pa nababayaran ang lending na ginamit sa placement fee ipinalaglag ang baby na ipinagbubuntis,in one year she did 2x abortion for unwanted pregnancies!! ….at ang lahat ng yun lingid sa kaalaman ng kanyang naghihintay na asawa at anak sa pinas..How pity for her family esp. for the innocent children!

    bilang isang ofw kailangan mong magsakripisyo para sa pamilya mo, isipin mo lagi kung anu talaga ang main goal mo kung bakit ka nangibang bansa. magtrabaho para sa pamilyang naiwan sa pinas! mabigyan ng magandang buhay ang iyong magulang,o kaya’y mapag aral ang iyong mga kapatid o anak!
    always remember to be a responsible person! to all the married person who are working abroad pls. wag nyong sirain ang inyong naiwang pamilya..:-(

  • trina

    true…,hindi lang sa silangan talamak ang ganyang gawain,dito sa taiwan gawain din ng karamihan…masakit tanggapin na kapwa pilipino rin sumisira sa kani-kanilang pamilya..maraming bawal na relasyon,unang dating sa dito alam ng lahat na may asawa’t anak sa pinas, ipinagmamalaki ang asawa dahil sa kabaitan, subalit makalipas ang ilang buwan may nobyo na ang nagmamagandang ina at nabuntis!!sa takot na mapauwi ng kompanya at dahil di pa nababayaran ang lending na ginamit sa placement fee ipinalaglag ang baby na ipinagbubuntis,in one year she did 2x abortion for unwanted pregnancies!! ….at ang lahat ng yun lingid sa kaalaman ng kanyang naghihintay na asawa at anak sa pinas..How pity for her family esp. for the innocent children!

    bilang isang ofw kailangan mong magsakripisyo para sa pamilya mo, isipin mo lagi kung anu talaga ang main goal mo kung bakit ka nangibang bansa. magtrabaho para sa pamilyang naiwan sa pinas! mabigyan ng magandang buhay ang iyong magulang,o kaya’y mapag aral ang iyong mga kapatid o anak!
    always remember to be a responsible person! to all the married person who are working abroad pls. wag nyong sirain ang inyong naiwang pamilya..:-(

  • geoffrey

    lahat nagkakasala, ika nga ng diyos walang matuwid, mahirap manghusga baka ikaw ang husgahan,,,pero kung may tamang relasyon sa panginoon mas malaki ang posibilidad na makaiwas sa mga masasamang gawain. mahirap na baka maaga tayong singilin ng panginoon or worse bumalik sa atin ang ating mgaginagawang taliwas sa mata ng tao ay diyos…

    • Luis

      Tama ka dyan, AMEN ako dyan!!! Bottom line kung naging maganda lang ang palakad ng gobierno sa ating economia, eh di wala ng kailangan mag abroad, wala ng broken homes, walang mistreatment sa ating kababayan at wala na ring mga anak at asawa na nangngungulila sa kanilang mga mahal sa buhay. Nakakalungkot nga eh pag nag abroad ka at nakitang Philippine passport ang hawag mo! Masamang masama ang trato sa ating!

  • vanessa

    Kahit saan nangyayari yan hindi lang sa mga Pinoy pati sa ibang lahi.ako mismo i witness that. magsisimba pa nga minsan ang magkakalaguyo eh. ung iba sisisihin mga asawa nila kaya sila nagkaganun. o tama ka tlg iisa lang naman yan eh nagpatukso sila sa tawag ng laman. tao tayo na mahina lamang pero TAO tayo na binigyan ng ISIP at konsensya period.

  • steve

    ARAY ko po 🙁 T_T
    pero d naman siguro libog itong sa akin 🙂 ika nga true love talaga…

    • Seighnos

      ano naman tawag sa love mo sa asawa mo? false love? come on man, libog yan, maraming bagay para hindi ka magkasala at hindi maboring or mangulila, sa panahon ngayon andyan na ang mga chatting with video pa, bakit di mo tawagan ang pamilya mo para di ka magkasala. admit it libog yan.

      • ramon

        tumpak. ako dati dinadaan ko na lang sa tulog at manuod ng mga pirated na bala (10 riyals each) at maglaro ng ps2. tyagaan at tiis talaga para guminhawa ang mga mahal sa buhay. pag pumatol ka sa iba, tapos ang pamilya mo.

        • ALDEN

          galing… kaya ako ginagawa ko maryang palad na lang… ung ang totoo, hnd ko pa nasira pamilya ko… ahahahaha

          • Seighnos

            yup konting init lang nmn ng katawan yun, once na marelease yun ok na, buo pa ang pamilya sa konting tulong ng kamay. andyan din manood ng movies or maglaro ng games, mag chat with the family, mag gym, mag videoke mag isa habang umiinom ng beer, marami pang iba. (thumbs up ako sa iyo bro)

      • ALDEN

        galing mo!

      • steve

        at bakit hindi na ba pedeng sabihin na TRUE LOVE kung dalawa ang iniibig mo!! pag nagmahal ka ba ng iba bukod pa sa asawa mo ay libog na kaagad ang tawag doon? hindi pedeng tawagin muna kaming MAPAGMAHAL lang talaga?

  • mommy

    I agree with one of the comments…Temptation is everywhere and is given… one way of resisting temptation is by imagining the innocent smile of your child… who is waiting for you to come home… that is surely enough for an OFW based in the middle east or any part of the world to avoid temptations…

    • alvin

      yan ang tama!!!!

    • vanessa

      un ang di ko maintindihan sa mga nagkakaganito, hindi kaya nila naiisip mga anak nila? papano if they will soon find out di ba? in the end mga bata ang kawawa esp if magbunga pa ang illicit relationship ng tatay/nanay nila

  • hahaha… 5 years pa lng naman ako dito sa desyerto. Ang libog pansamantala lang yan. Buksan mo ang laptop.. search barelylegal.. mamya wala na libog mo. Andun na sa kapirasong tissue. gusto mo pa bang ielaborate ko brod?

    • taste_so_nice

      hahahahahahahahahah!

  • minsan na akong nagcomment d2 pero pag kontra sa admin/moderator ay dinidelete ka agad . kaya bilisan mo ang komento mo d2 sa koment ko

  • kung tutuong nasa disyerto ka ,at napunta ka sa bayan at nalaman mo ang sitwasyon doon maipapangako mo ba sa sarili mo na hindi aandar ang libog mo? marami na sa kabayan natin ang nagsalita ng tapos na katulad mo at walang sang linggo may kinakasama na. ang libog ng pinoy ay natural lamang na dala nya kahit saan sya mapunta.kahit sa atin ay nangyayari rin ang mga sinulat mo.

  • raceyeil

    msakit man isipin gnun tlga ang klakaran s bansang npuntahan mo..mrami ang gumagawa nyan pro ndi tau pwdng mghusga kc ndi ntin alam kng ano ang dhilan nila..

  • ramon

    malungkot ang gitnang silangan. ika nga e, talagang patibayan ng loob. maraming bumibigay sa lungkot, ngunit marami din namang nakakapagtimpi. mahigit 5 taon ako na palipat lipat sa dubai at qatar, at iisa lang ang pangontra ko sa pambababae, ang isipin ang ngiti at tawa ng aking anak na alam kong naghihintay palagi sa akin.

    di lahat ng pilipino bumibigay, di lahat ng pilipino puro libog ang nasa isip. marami pa ring nagtitiis para sa pamilya. marami pa ring disente at totoo. isa rin po yang katotohanan ng ME.

    salamat

  • you are ryt.marami talaga dito.

  • LETS HELP CDO/ILIGAN!!!!
    in behalf of Alpha Phi Omega, i am collecting things that are useful to the victims…
    CLOTHES,WATER,FOOD,SLIPPERS,SHOES,ETC..ANYTHING THAT IS USEFUL!!!
    victims don’t have WATER and FOOD…FREE LOGISTICS FROM LBC!!!

    target date to send the collected items will be this coming Friday Dec.23,2011… pls contact me at this number 09233176272 – 09099301082, so that i can collect what ever you can share… thanks! pls pass…

  • rey

    ofw din ako hirag talaga malayo sa pamilya… sa aming mag-asawa TRUST lang talaga pagkakapitan kasi sa akin pumunta ako dito para magsakripisyo pra sa kanila..kaya pati libog ng katawan kailangang pagtiisan…