Idol Ko Si Willie (Tribute Para sa Kanya)
Ayos, bumira nanaman si idol.
Sikat na nga siya, lalo pang pinapasikat ng mga nagsasanib-puwersang mga grupo na pilit siyang pinapabagsak. Wala na kayong magagawa dahil Willie is Willie. Kahit na ayaw niyong makita ang pogi niyang mukha sa teevee ay hindi niyo naman mapiligilang manood ng kanyang show. Kayo lang rin naman ang nagpapataas ng kanyang rating!
Sa gitna ng panibagong kontrobersiyang (na sa tingin ko naman ay yakang-yaka niyang lusutan sa tulong ng kanyang mga die-hard supporters na tulad ko) kinasasangkutan niya ay ibabahagi ko sa inyo ang aking munting tribute na isinulat ko noong kasagsagan ng pag-alis niya sa ABS-CBN!
From “Idol Ko Si Willie” (May 13, 2010):
Sige na nga, makikisawsaw na ako sa pinakamainit na topics sa Pinas kahit na wala naman talaga akong hilig sa politics at pag-aartista (click here to read my entry on this story). Eh ano pa nga ba ang laman ng radyo at telebisyon, ng diyaryo, ng celfone, at lahat ng mga networks na pangsosyalan tulad ng FB, FS, at Twitter? Una, ang 2010 National Circus Elections. At Pangalawa, ang issue sa idol kong si Willie Revillame versus the people of the Republic of the Philippines na pumapanig kay Jobert.
Oo, idol ko si Willie at walang pakialamanan dahil blog ko ito!! Kaya kung member ka ng FB group na bumabatikos sa kanya at nangangalap ng signatures para i-petition siyang tanggalin sa ABS-CBN, hindi ito ang entry na dapat mong mabasa. Sa gitna ng lahat ng pang-aalipusta, bibigyan ko siya ng malufet na tribute.
Sa lahat ng mga makikitid ang utak, hindi si Willie ang dahilan ng pagkatalo ni Manny Villar. Ang idol ko ang isa sa mga pinakamagagaling na endorsers ng ating panahon. Marami siyang tatanga-tangang followers na naniniwala sa charismang pinapakita niya sa sambayanan through live teevee. Kaya kahit na siguro maalat ang sukang ibebenta ay bibilhin ng masa dahil sa kanya. Natalo si Villar dahil kay Sarah Geronimo – noong nakodakan siya na ginawang “L” ang “V” hand sign habang naka t-shirt pa ng yellow! Atska kasalanan din ni Villar ang pagkatalo niya dahil binaboy niya ang kanta ng Parokya ni Edgar. At sino ba naman ang gustong maligo sa dagat ng basura? Like, eeew.
Napakagaling din kayang magpatawa ni Willie. Dati ay Pinoy TV ang cable namin dito sa Saudi kaso nagpursige akong mapakabitan kami ng TFC dahil ang baduy ng Eat Bulaga. Ang tatanda na nila TVJ para magpatawa. Walang sense ‘yung mga binibitiwan ni Joey na mga jokes dahil hindi siya witty. Nakakabastos sa mga guests na babae. Hindi katulad ni Willie na mapapaisip ka. Matatawa ka kapag nakuha mo ang ibig niyang sabihin. Dapat ngang kunin na niya ang trono ni Comedy King Dolphy. Si Willie nga rin ang dapat tawaging “Master Showman”, at hindi si Kuya Germs, dahil mag-isa lang siyang nagdadala sa Wowowee kumpara sa tatlong bugok na itlog ng Dabarkads. Hindi rin siya mukhang manyakis sa mga dancers ng shows dahil wala siyang hilig sa babae – kaya nga ‘di ba naka-dalawang hiwalay na siya ng asawa?
Wala akong masabi sa kabaitan ni Sir Willie. Inggit lang si Joey sa mga mansion at yate (sorry ‘di ko alam ispilengin ang english term para dito) kaya sinasabihan siyang mayabang. May mayabang ba na ido-donate sa nangangailangan ang milyong salapi na natanggap niya mula sa isang anonymous donor? Hoy, hindi ‘yun scripted tulad ng sinasabi ng iba na scripted na “tearless” pag-iyak niya noong minsang mag-apologize siya sa masa.
Kahit sa mga novelty song na paborito ko, si Willie lang ang pinapakinggan ko. Walang binatbat ang mga walang kuwentang kanta ni Joey De Leon.
Hindi rin siya ”tupperware” tulad ng dati kong boss na babae noong sa Pinas pa ako nagta-trabaho. Kung ano ang nakikita mo sa kanya ay ‘yun na siya. Totoo siyang tao dahil halata mo naman sa kanyang mga mukha ang reaction kapag kaharap ang ibang tao. Hindi siya tulad ng ibang artista na kapag may yumakap at humalik, o makipag-kamay man lang ay nandidiri na. Wala kang makikitang hand sanitizer o alcohol sa kanyang “kikay kit”.
Natutuwa rin ako kapag nakakatulong siya sa mga nangangailangan. Siya talaga ang pag-asa at sagot sa kahirapan ng mga kababayan nating umaasa nalang na giginhawa ang buhay sa pamamagitan ng panonood ng Wowowee. Ang dami ko ng napanood na tinulungan niya ng taos-puso ang mga taong naghihirap sa buhay, may karamdaman, at kung anu-ano pang nakakaawang sitwasyon na talaga namang nakapagpaluha sa akin at nakapagpaantig ng puso ko. Sariling pera pa nga niya madalas ang ipinamumudmod niya sa mukha ng mga contestant para lang siya makatulong. Kung tatakbo siyang presidente ay hindi na ako magdadalawang-isip na iboto siya, he’s a leader of some kind. Tatalunin niya pa si Noynoy na sa tingin ko ay magiging kaaway na niya ngayong maluluklok na bilang pinakamakapangyarihang noypi.
Bukod sa lahat, pinag-iisipan niyang mabuti (mga one and a half times) ang mga binibitiwan niyang salita. Walang utang na loob ang ABS-CBN sa taong nagpasikat sa noontime show nila. Tama lang ang sinabi niyang magre-resign nalang siya kapag hindi tinanggal ng management si Jobert. Hindi ba nila alam o kilala si Willie? Maraming ibang teevee stations ang naghahabol ssa kanya. Mas pipiliin siya ng GMA na mag-host sa Eat Bulaga. Kapag nangyari ‘yun ay katapusan na ng career ng Escalera Brothers at ni Mr. Ungasis!
TEKA, BAKA NANINIWALA KA NA SA KALOKOHAN KO.
MGA KAIBIGAN, LAHAT NG INYONG NABASA AY PAWANG KATHANG-ISIP AT MGA KASINUNGALINGAN LAMANG NA BUNGA NG MALIKOT NA PAG-IISIP NG ISANG TAONG EXCITED NANG UMUWI MULA SAUDI PARA MAKAPAGBAKASYON NA SA PILIPINAS.
ANG TRIBUTE NA ITO AY PEKE TULAD NG PAGKATAO NI WILLIE.
HAPPY APRIL FOOLS’ DAY!!
PAHABOL:
HUMIHINGI PO AKO NG TULONG SA INYO SA PAPAMAMAGITAN NG PAGSUPORTA SA NOBENTA SA 12TH PHILIPPINE WEB AWARDS.
Para iboto ang aming walang kuwentang tambayan, please visit:
and click “NoBenta – Reminiscing the 90′s” under blog category.
Maraming Salamat Po!!
JAYSON BUBAY QUITIQUIT is a 32-year old civil engineer currently working in Chaozhou, China. He is a frustrated dancer and former guitarist of an unknown band called Demo From Mars. He maintains several blogs namely NoBenta, B’log ang Mundo, The Wonder Twins, KasaySalita, and Frontispiece 2.0.
©Copyright 2011, Definitely Filipino™ Blog Network. All rights reserved. Unless otherwise stated, all articles in this blog are opinions of their respective authors and not necessarily of Definitely Filipino and its staff.
DF Community 
NoBenta 
ragubalane 
abq 
Anna 
Thadie MD 
Lui B. 
Mga-sulat-kamay 
a_dauz 
Ms.J 
Mommyjoyce 
ejaybasaliso 
bobbyw59 
Caloy 
Den Dominguez 
on 
ayos! now q lang nabasa ^__^ galing mo
*kunwari close n tayo* mwuahhhh 
ahaha
Ang galing mo sir… muntik ko na ring maging idol si Willie buti na lang binawi mo sa dulo, lol…
BTW, I like all your blogs I’ve read so far. You got my vote at PWA.
sori naman, pero hindi nakakatuwa.
hahaha… nadale mo ko dun ha…
May hidden agenda ung gumawa ng blog.
Yung mga nagUUNLIKE ang tawag namin dyan sa mundo ng blogging ay SKIP READERS!!!!… Magbasa muna.. Nagpapadala sa Title eh.. tsk..
@Bossing No-Benta ayos!!! level up na level up… nasa DF na yung post mo! ahehehe Suportado kita dyan sa PWA PEOPLE’S CHOICE,…
di nah tlga natutu si willie tsk tsk
bastos nga
syempre ang demonyo magaling magpasikat. tulad ng blogger dito.
panalo! pang Aril 1 talaga
)
happy april’s fools! pero totoo na walang kwenta mga jokes nila sa eat bulaga.. dina nakaktawa ehe. pati si willie lol
happy april’s fools! pero totoo na walang kwenta mga jokes nila sa eat bulaga.. dina nakaktawa ehe. pati si willie lol
dapat bashihin muna ang blog bago mag-react. wag masyadong dibdibin ang title.:))
dapat bashihin muna ang blog bago mag-react. wag masyadong dibdibin ang title.:))
lol
lol
daming nauto…APRIL FOOLS DAY NGA!!!hahahha
daming nauto…APRIL FOOLS DAY NGA!!!hahahha
ewan!
ewan!
@Cheng
)
Ng ano ate?
@Cheng
)
Ng ano ate?